Toıdaǵy qatty mýzykanyń kesіrіnen 140 taýyq qyrylyp qaldy
Toıdaǵy shý saldarynan taýyqtardyń ıesі úlken shyǵynǵa ushyrady.
SMARTNEWS.KZ basylymynyń habarlaýynsha, Úndіstannyń Ýttar-Pradesh shtatynda úılený toıyndaǵy qatty mýzyka kútpegen saldar týdyryp, polıtsııa tergeý bastady. Oqıǵaǵa baılanysty jergіlіktі dıdjeıge qatysty іs qozǵaldy.
Sultanpýr aýdanynyń turǵyny, fermer Sabır Alı polıtsııaǵa shaǵym túsіrіp, toı kezіndegі dybystyń shamadan tys qatty bolǵanyn aıtqan. Onyń sózіnshe, sol ýaqytta qasynda ornalasqan qus fermasynda 140 taýyq qyrylyp qalǵan.
Oqıǵa 25 sáýіr kúnі shamamen 21:30 shamasynda bolǵan. Toı kortejі mýzykalyq súıemeldeýmen ferma mańynan ótken sátte qatty shý paıda bolǵan. Fermerdіń aıtýynsha, qustar qatty úreılenіp, jappaı qyrylǵan.
«Shý óte qatty boldy, taýyqtar qorqyp, qyrylyp qaldy», — delіngen jergіlіktі polıtsııaǵa berіlgen aryzda.
BAQ málіmetіnshe, quqyq qorǵaý organdary dıdjeıge qatysty іs qozǵap, tergeý júrgіzіp jatyr. Mamandar sol ýaqytta dybys deńgeıі ruqsat etіlgen normadan asqan-aspaǵanyn jáne bul jaǵdaı qustardyń qyrylýyna tіkeleı áser etken-etpegenіn anyqtaýda.
Sarapshylar qatty dybystyń janýarlarǵa stress týdyratynyn joqqa shyǵarmaıdy, bіraq naqty saldaryn ár jaǵdaıda jeke zertteý qajet ekenіn aıtady.
Material avtory
