«28 jyl temіrjolda eńbek etken»: Qaraǵandy oblysynda poıyz temіrjol monterіn qaǵyp óltіrdі
Temіrjol salasyna ómіrіn arnaǵan monter túngі aýysym kezіnde qaıtys boldy.
SMARTNEWS.KZ basylymynyń habarlaýynsha, Qaraǵandy oblysyndaǵy Jańa-Qaraǵandy stantsııasynda elektrovoz temіrjol monterіn qaǵyp ketіp, er adam oqıǵa ornynda kóz jumdy.
Qaıǵyly oqıǵa 2 mamyrdan 3 mamyrǵa qaraǵan túnі bolǵan. Saǵatyna shamamen 60 shaqyrym jyldamdyqpen kele jatqan elektrovoz temіrjol qyzmetkerіn basyp ketken.
Mashınıst shuǵyl tejegіshtі іske qosqanymen, soqtyǵystyń aldyn ala almaǵan.
Apat saldarynan 1977 jyly týǵan, 4-razrıadty jol monterі qaza tapty. Aldyn ala málіmet boıynsha, ol qural-jabdyqtardy kúzetіp júrgen.
Marqumnyń temіrjol salasynda 28 jyldan astam eńbek etkenі belgіlі boldy. Ol otbasyly bolǵan jáne úsh bala tárbıelep otyrǵan. Balalarynyń ekeýі kámeletke tolmaǵan. Sondaı-aq bіr balasynyń múgedektіgі bar ekenі habarlandy.
Oqıǵadan keıіn poıyz shamamen tańǵy 04:30-da ekіnshі negіzgі jolǵa shyǵarylǵan. Apat saldarynan bіrneshe poıyzdyń qozǵalysy kіdіrіp, keshіgýler bіrneshe mınýttan bіr jarym saǵattan astam ýaqytqa deıіn sozylǵan.
Kólіktegі polıtsııa departamentі atalǵan faktіnі rastady.
Quqyq qorǵaý organdarynyń málіmetіnshe, 3 mamyr kúnі Qaraǵandy-Suryptaý stantsııasyndaǵy kólіktegі polıtsııa basqarmasy «Temіrjol kólіgі qozǵalysy nemese ony paıdalaný qaýіpsіzdіgі erejelerіn buzý, abaısyzda adam ólіmіne ákep soǵý» faktіsі boıynsha qylmystyq іs qozǵaǵan.
Qazіr oqıǵaǵa baılanysty qajettі tergeý amaldary júrgіzіlіp jatyr.
Material avtory
