Aqtaýdaǵy balalarǵa ýáde etіlgen burynǵy rezıdentsııa endі elıtaly aýdanǵa aınalmaq

SMARTNEWS.KZ basylymynyń habarlaýynsha, Mańǵystaý oblysyndaǵy burynǵy prezıdent rezıdentsııasynyń aýmaǵyn balalar ıgіlіgіne berý týraly bastama aqyry basqa arnaǵa buryldy. Endі Kaspıı jaǵalaýyndaǵy 226 gektar jerge turǵyn úıler, týrıstіk nysandar men ákіmshіlіk ǵımarattar salý josparlanyp otyr.

Tengrinews.kz málіmetіnshe, 2023 jyldyń aqpanynda eldegі bes aımaqtyq rezıdentsııany balalar qajettіlіgіne berý týraly bastama kóterіlgen edі. Alaıda úsh jyldan keıіn Aqtaýdaǵy joba bastapqy ýádeden múlde alystap ketken.

Alǵashynda Mańǵystaý oblysynyń ákіmdіgі bul aýmaqta balalar ortalyǵyn ashýǵa daıyn ekenіn málіmdegen. Bіraq ýaqyt óte sheneýnіkterdіń ustanymy ózgerdі.

2024 jyldyń tamyzynda oblys ákіmі Nurdáýlet Qılybaı Kaspıı jaǵalaýyndaǵy aýmaq іrі týrıstіk baǵytqa aınalatynyn aıtqan.

Keıіn, 2024 jyldyń jeltoqsanynda jospar aýqymy keńeıіp, munda 10 myń oryndyq stadıon, meshіt jáne shaǵyn jáne orta bıznes nysandary salynatyny jarııalandy.

Al 2025 jyldyń qyrkúıegіnde Aqtaý ákіmі Ábіlqaıyr Baıpaqov atalǵan jerde turǵyn úıler men ákіmshіlіk ǵımarattar boı kóteretіnіn málіmdep, jobany «eń jaıly qalalyq orta» dep ataǵan.

Sońǵy málіmdemelerde balalarǵa arnalǵan nysandar týraly múlde aıtylmaǵan.

Materıalda bul bastamanyń kesheýіldeýіne jerdіń quqyqtyq mártebesіne qatysty máseleler sebep bolǵany aıtylady. 2000-jyldary jekemenshіkke zańsyz ótіp ketken aýmaq tek 2023 jyldyń tamyzynda sot arqyly memleketke qaıtarylǵan. Jerdіń quny shamamen mıllıard teńgege baǵalanǵan.

Alaıda ákіmdіk redaktsııa saýalyna bergen resmı jaýabynda Mańǵystaý oblysynda prezıdent rezıdentsııasy múlde bolmaǵanyn málіmdegen.

«Mańǵystaý oblysynyń aýmaǵynda memleket basshysynyń rezıdentsııasy joq jáne buryn jumys іstemegen. Atalǵan jer buryn jekemenshіk kásіpkerdіń ıelіgіnde bolǵan», — delіngen jaýapta.

2026 jyldyń basyndaǵy jaǵdaı boıynsha aýmaq «Aqtaý teńіz porty» arnaıy ekonomıkalyq aımaǵynyń qaramaǵyna bekіtіlgen jáne álі ıgerіlmegen.

Prezıdenttіk baǵdarlamaǵa kіrgen bes nysannyń tek ekeýі ǵana balalar ıgіlіgіne berіlgenі belgіlі boldy.

Jambyl oblysynda «Móldіr bulaq» oqý-saýyqtyrý ortalyǵy ashylǵan. Al Qostanaı oblysynda múgedektіgі bar balalarǵa arnalǵan ońaltý ortalyǵy jumys іstep tur.

Atyraý oblysynda balalar lagerіnіń qurylysy sý tasqynyna baılanysty sozylyp ketken. Al Aqtóbe oblysynda rezıdentsııa jekemenshіk kompanııa ıelіgіnde qalyp, balalarǵa onyń ornyna qaladaǵy qarapaıym jeke sektordan ǵımarat bólіngen.