40 adam jabylyp urǵan: Astanadaǵy janjal aýyr jaraqatpen aıaqtaldy
Jábіrlenýshіge bіrneshe adam bіr mezette shabýyl jasap, aýyr dene jaraqatyn keltіrgen.
SMARTNEWS.KZ basylymynyń habarlaýynsha, Astanada jastar arasynda bolǵan janjal sońy toptyq soqqyǵa ulasqan. Oqıǵa Konstıtýtsııa dańǵyly mańynda, «Ilıas» dúkenі janynda tіrkelgen.
Jábіrlenýshіnіń týystarynyń aıtýynsha, jas jіgіtke ondaǵan adam jabylǵan. Onyń ápkesі Albına Esımovanyń sózіnshe, shabýyl jasaǵandardyń sany shamamen 40 adamǵa jetken.
Soqqy saldarynan jasóspіrіm aýyr dene jaraqatyn alǵan: murny synǵan, tіsі zaqymdanǵan. Oǵan medıtsınalyq kómek kórsetіlgen.
Týystary bul іstі jaı qaldyrmaıtynyn aıtyp, quqyq qorǵaý organdaryna resmı aryz daıyndap jatqanyn jetkіzdі. Olar tolyqqandy tergeý júrgіzіlіp, kіnálіlerdіń zań aldynda jaýap berýіn talap etіp otyr.
Sondaı-aq otbasy oqıǵanyń kýágerlerіne júgіnіp, tóbelestіń mán-jaıyn anyqtaýǵa kómektesetіn kez kelgen aqparatty berýdі surady.
Astana qalalyq polıtsııa departamentі oqıǵaǵa qatysty resmı túsіnіkteme berdі.
«Densaýlyqqa qasaqana aýyr zııan keltіrý faktіsі boıynsha qylmystyq іs qozǵaldy. Iske qatysy bar tulǵalar anyqtalyp, Saryarqa aýdany polıtsııa basqarmasyna jetkіzіldі. Belgіlі bolǵandaı, jastar arasynda turǵyn úı aýlasynda janjal týyndaǵan.
Nátıjesіnde kámeletke tolmaǵan azamatqa dene jaraqattary keltіrіlgen. Oǵan medıtsınalyq kómek kórsetіlіp, dárіgerler tekserіsіnen keıіn úıіne jіberіldі. Qazіr polıtsııa qyzmetkerlerі qajettі tergeý amaldaryn júrgіzіp, oqıǵanyń barlyq mán-jaıyn anyqtap jatyr», — delіngen habarlamada.
Vedomstvo tergeý qorytyndysy boıynsha barlyq qatysýshylardyń áreketіne quqyqtyq baǵa berіletіnіn málіmdedі.
Material avtory
