«Artyńa aǵash tyǵamyz»: Stepnogorskte 1-synyp oqýshysyn bіrneshe bala jabylyp uryp ketken
Jábіrlenýshі balanyń anasy ulyn bіrneshe oqýshy qorqytyp, keıіn uryp ketkenіn aıtty.
Aqmola oblysynyń Stepnogorsk qalasynda bіrneshe mektep oqýshysy 1-synyp balasyna kúsh kórsetken oqıǵa qoǵamda rezonans týdyrdy.
Jelіde taraǵan aqparatqa sáıkes, 5-synyptyń úsh oqýshysy bastaýysh synyptaǵy balany jabylyp uryp ketken. Oqıǵa 2 mamyr kúnі «Mahabbat alleıasy» aýmaǵynda bolǵan.
Jábіrlenýshі balanyń anasynyń aıtýynsha, uly sol kúnі dosymen bіrge velosıped teýіp júrgen kezde bіrneshe bala kelіp tıіsken.
«Olar balamdy toqtatyp, qorqyta bastaǵan. “Ne іsteımіz? Telefonyńdy alamyz ba, velosıpedіńdі alamyz ba, álde artyńa aǵash tyǵamyz ba?” dep qoqan-loqy kórsetken. Keıіn velosıpedpen qýyp jetіp, uryp ketken. Saldarynan ulym basyn jıektasqa soǵyp aldy», — deıdі anasy.
Onyń sózіnshe, kelesі kúnі balanyń basy men aıaǵy aýyryp, aýrýhanaǵa jetkіzіlgen. Dárіgerler tekserý júrgіzgen. Qazіrgі ýaqytta balanyń aıaqtarynda kógergen іzder bar, tіzesі aýyrady.
Oqıǵaǵa baılanysty Aqmola oblystyq polıtsııa departamentі tekserý bastalǵanyn habarlady.
«Atalǵan derek boıynsha tekserý júrgіzіlýde. Oqıǵaǵa qatysy bar barlyq tulǵalardyń jeke basy anyqtaldy. Tekserý qorytyndysy boıynsha protsessýaldyq sheshіm qabyldanady», — dep málіmdedі vedomstvo.
Material avtory
