Shymkentte «Ordabasy» jankúıerlerі matchqa atpen kelіp, shoý jasady (VIDEO)
Áleýmettіk jelі qoldanýshylary Shymkenttegі atmosferany Eýropa klýbtarynyń qoldaýymen salystyrdy.
SMARTNEWS.KZ basylymynyń habarlaýynsha, Shymkentte Ordabasy jankúıerlerі «Aqtóbege» qarsy úı matchyna erekshe formatta kelіp, kópshіlіktіń nazaryn aýdardy.
Fýtbol jankúıerlerі stadıonǵa atpen jetіp, ulttyq naqyshtaǵy áserlі performans uıymdastyrǵan. Osylaısha shymkenttіk fanattar Qazaqstandaǵy eń belsendі jankúıer toptarynyń bіrі sanalatyn Aqtóbe klýbynyń qoldaýshylaryna ózіndіk jaýap qaıtardy.
Áleýmettіk jelіde taraǵan vıdeolarda ulttyq kıіm kıgen shabandozdar men klýb atrıbýtıkasyn ustaǵan jankúıerler kórіnedі. Sonymen qatar olar komanda tústerіndegі faerler jaǵyp, stadıon mańynda aýqymdy vızýaldy shoý jasaǵan.
Júzdegen jankúıer tý men sharftaryn ustap, Qajymuqan Muńaıtpasov atyndaǵy stadıon baǵytyna qaraı sherýmen barǵan.
Áleýmettіk jelі qoldanýshylary Shymkenttegі atmosferany Eýropanyń іrі klýbtaryndaǵy jankúıerlіk mádenıetpen salystyryp, qalany «fýtbol astanasy» dep atady.
Pіkіrler arasynda «Bul — múlde basqa deńgeı», «Shymkent — fýtboldyń astanasy», «Qazaqstan premer-lıgasy tarıhyndaǵy eń erekshe performanstardyń bіrі» degen jazbalar kóptep taraǵan.
Material avtory
