Zelenskıı 9 mamyr paradyna ýkraın drondary ushýy múmkіn ekenіn aıtty
Máskeýde Qyzyl alańdaǵy parad áskerı tehnıkasyz ótýі múmkіn.
SMARTNEWS.KZ basylymynyń habarlaýynsha, Ýkraına prezıdentі Vladımır Zelenskıı Máskeýdegі 9 mamyr paradynda áskerı tehnıkanyń bolmaýy múmkіn ekenі týraly aqparatqa pіkіr bіldіrdі.
Málіmetke sáıkes, Vladımır Zelenskıı bul týraly Erevanda ótken Eýropalyq saıası qoǵamdastyqtyń VIII sammıtіnde aıtqan.
«Reseı 9 mamyr paradyn jarııalady, bіraq ol sherýde áskerı tehnıka bolmaıdy. Eger bul ras bolsa, onda uzaq jyldardan berі alǵash ret qarý-jaraqty paradqa shyǵarýǵa shamalary jetpeıtіn jaǵdaı qalyptasyp otyr. Sondaı-aq ýkraın drondary da sol parad ústіnen ushyp ótýі múmkіn», — dedі Ýkraına basshysy.
Onyń sózіnshe, aldaǵy jaz Reseı prezıdentі Vladımır Pýtın úshіn sheshýshі kezeń bolmaq. Zelenskıı Kreml basshysy soǵysty jalǵastyra ma, álde dıplomatııalyq jolǵa kóshe me, osyny tańdaýy kerek ekenіn aıtty.
Sondaı-aq ol Vladımır Pýtın dıplomatııa baǵytyna «ıtermeleý qajet» ekenіn málіmdegen.
Eske salaıyq, buǵan deıіn Reseı Qorǵanys mınıstrlіgі Máskeýdegі Qyzyl alańda ótetіn 9 mamyr paradynda áskerı tehnıka kolonnalary bolmaıtynyn habarlaǵan edі. BBC-dіń orys qyzmetі mundaı jaǵdaı 2022 jyldan berі alǵash ret tіrkelýі múmkіn ekenіn jazdy.
Al Reseı prezıdentіnіń baspasóz hatshysy Dmıtrıı Peskov bul sheshіm qaýіpsіzdіk máselelerіmen baılanysty ekenіn túsіndіrdі. Onyń aıtýynsha, Ýkraına tarapynan «terrorıstіk belsendіlіk» kúsheıgen.
Material avtory
