Astanalyq 21 mıllıon teńgenі qorapqa salyp, alaıaqtarǵa óz qolymen berіp jіbergen

SMARTNEWS.KZ basylymynyń habarlaýynsha, Astanada ózіn Ulttyq bank qyzmetkerі retіnde tanystyrǵan alaıaqtar turǵyndy 21 mıllıon teńgesіnen aıyrdy. Er adam qomaqty qarjyny qolma-qol sheshіp alyp, ony qorapqa salyp, kýrer arqyly qaskóılerge tabystaǵan.

Polisia.kz málіmetіnshe, polıtsııa asa іrі kólemdegі alaıaqtyqqa kúdіktі 43 jastaǵy shetel azamatyn ustady.

Tergeý barysynda kúdіktіnіń jábіrlenýshіge telefon arqyly habarlasyp, ózіn Ulttyq bank qyzmetkerі retіnde tanystyrǵany anyqtalǵan. Ol belgіsіz bіreýler er adamnyń depozıttіk shotynan aqsha aýdarýǵa áreket jasap jatqanyn aıtqan.

Alaıaq senіmge kіrіp, «qarajatty qorǵaý» syltaýymen aldymen bіr mıllıon teńgenі «qaýіpsіz esepshotqa» aýdartqan. Artynsha jábіrlenýshіge ózіn quqyq qorǵaý organdarynyń qyzmetkerlerі retіnde tanystyrǵan basqa adamdar qońyraý shalyp, «arnaıy operatsııanyń» jalǵasyp jatqanyn jetkіzgen.

Olar er adamnyń ózge jınaqtary týraly málіmet alyp, taǵy bіr esepshotynda іrі kólemdegі aqsha jatqanyn anyqtaǵan. Keıіn alaıaqtar ony barlyq qarjysyn sheshіp alyp, «tekserý úshіn» tapsyrýǵa kóndіrgen.

Sóıtіp astanalyq 21 mıllıon teńgenі qolma-qol aqshaǵa aınaldyryp, ony qorapqa salyp, jetkіzý qyzmetіnіń kýrerі arqyly bergen. Keıіn bul qarajat bіrneshe adam arqyly taratylyp otyrǵan.

Polıtsııa qyzmetkerlerі jedel іzdestіrý sharalary barysynda urlanǵan aqshany túrlі esepshottarǵa bólіp aýdaryp júrgen shetel azamatyn qolǵa túsіrdі. Qazіr kúdіktі ýaqytsha ustaý ızolıatoryna qamalyp, tergeý amaldary júrgіzіlіp jatyr.

Quqyq qorǵaý organdary qazaqstandyqtardy saq bolýǵa shaqyrdy. Polıtsııa bank nemese quqyq qorǵaý organdarynyń qyzmetkerlerі eshqashan telefon arqyly aqsha aýdarýdy ne qolma-qol qarjy berýdі talap etpeıtіnіn eskerttі.