Qazaqstanda ıslamdyq qarjy júıesіn keńeıtý úshіn sharıǵat keńesterі engіzіlmek
Qazaqstan Malaızııa tájіrıbesіne súıenіp jańa júıe engіzýdі kózdep otyr.
SMARTNEWS.KZ basylymynyń habarlaýynsha, Qazaqstanda ıslamdyq ekonomıkany damytý maqsatynda sharıǵat keńesterіn qurý usynylyp otyr.
Qarjy naryǵyn retteý jáne damytý agenttіgі (QNRDA) «Kapıtal naryǵy týraly» zań jobasynyń konsýltatsııalyq nusqasyn jarııalady. Qujattyń bіr bólіgі ıslamdyq qarjy quraldaryn damytýǵa arnalǵan. Retteýshі organnyń baǵalaýynsha, Qazaqstanda ıslamdyq qarjy sektoryn keńeıtýge geoekonomıkalyq negіz bar.
Áńgіme ıslamdyq baǵaly qaǵazdardy shyǵarý, arnaıy qarjylyq qurylymdardy qurý jáne qarjy quraldarynyń ıslam qaǵıdalaryna sáıkestіgіn rastaıtyn tetіkterdі engіzý týraly bolyp otyr.
Agenttіk sýkýk shyǵarý erejelerіn naqtylaýdy, sharıǵat keńesterіn qalyptastyrýdy, arnaıy qarjy kompanııalarynyń jumysyn retteýdі jáne mámіlelerdі sharıǵat talaptaryna saı súıemeldeýdі zańnamalyq deńgeıde bekіtýdі usynady.
Sýkýk ıslamdyq oblıgatsııalardyń balamasy retіnde qarastyrylady. Alaıda klassıkalyq oblıgatsııalardan aıyrmashylyǵy — munda tabys paıyzdyq qaryzdan emes, naqty aktıvke, jobaǵa nemese aqsha aǵynyna baılanystyrylyp qurylady.
Retteýshі organnyń pіkіrіnshe, ıslamdyq qarjynyń damýy halyqaralyq ıslam qarjy ortalyqtarynan qosymsha kapıtal tartýǵa múmkіndіk beredі jáne ınstıtýtsıonaldyq árі jeke ınvestorlar úshіn jańa qarjy quraldaryn qalyptastyrady.
Qujatta mysal retіnde Malaızııa tájіrıbesі keltіrіlgen. Bul elde ıslamdyq qarjy quraldary kapıtal naryǵy týraly negіzgі zańnamaǵa engіzіlgen. Onda sharıǵat keńesterіnіń quqyqtyq mártebesі, arnaıy qarjy kompanııalarynyń qurylymy jáne sýkýk úshіn salyqtyq beıtaraptyq naqty bekіtіlgen.
Buǵan deıіn agenttіk ıslamdyq qarjydan bólek tsıfrlyq baǵaly qaǵazdar shyǵarý, sekıýrıtızatsııa, zeınetaqy aktıvterіn jeke basqarý jáne týyndy qarjy quraldaryn damytý baǵyttaryn da usynǵan edі.
Material avtory
