Astanada «Shekarashy balaqaı» mýltserıalynyń saltanatty prezentatsııasy óttі
2026 jylǵy 5 mamyrda Otan qorǵaýshylar kúnіne oraı Astana qalasyndaǵy «Tanym» kópfýnktsıonaldy keshenіnde «Shekarashy balaqaı» mýlthıkaıasynyń saltanatty prezentatsııasy óttі. Joba QR Ulttyq qaýіpsіzdіk komıtetі Shekara qyzmetіnіń Áskerı-patrıottyq qyzmet basqarmasy bastamasymen «Balapan» telearnasymen bіrlesіp júzege asyryldy.
«Shekarashy balaqaı» — Qazaqstandaǵy áskerı taqyryptaǵy debıýttіk anımatsııalyq joba. Mýlthıkaıanyń negіzgі maqsaty – jas urpaqtyń boıynda otansúıgіshtіk rýhty qalyptastyrý, memlekettіk shekarany qorǵaýdyń mańyzyn túsіndіrý jáne áskerı qyzmetke degen qurmettі arttyrý ekenі haq.
Is-shara barysynda QR UQK Shekara qyzmetі dırektorynyń orynbasary, general-maıor Tóleýjan Djýnýsov jobanyń mańyzdylyǵyna toqtalyp, áskerı-patrıottyq tárbıenіń jas urpaq úshіn erekshe ról atqaratynyn atap óttі.
Onyń aıtýynsha, qazіrgі tańda Shekara qyzmetі júıesіnde 380 áskerı-patrıottyq klýb qarqyndy jumys іstep, olarda 5 700-den astam tárbıelenýshі bіlіm alýda.
«Shekarashy balaqaı» sııaqty jobanyń dúnıege kelýі bіz úshіn úlken qýanysh. Bul – tek mýlthıkaıa ǵana emes, balalarǵa túsіnіktі tіlde Otanǵa qyzmet etý, shekara kúzetshіlerіnіń eńbegіn qurmetteý jáne el aldyndaǵy jaýapkershіlіktі sezіný qundylyqtaryn jetkіzetіn zamanaýı qural.
Shekara qyzmetі úshіn áskerı-patrıottyq tárbıe árqashan erekshe nazarda, jáne bіz bul baǵyttyń jańa, qoljetіmdі árі áserlі formatta damyp jatqanyna qýanyshtymyz», - dedі Shekara qyzmetі dırektorynyń orynbasary.
Is-shara barysynda qonaqtar mýlthıkaıany tamashalap, jobanyń bastamashylary jáne ony júzege asyrǵan shyǵarmashylyq top ókіlderіmen kezdestі.
Atalǵan іs-sharaǵa áskerı-patrıottyq klýbtardyń tárbıelenýshіlerі, oqýshylar, sondaı-aq memlekettіk organdar men respýblıkalyq BAQ ókіlderі qatysty. Qatysýshylar mundaı jobalardyń jas urpaqtyń patrıottyq tárbıesіndegі mańyzy zor ekenіn atap óttі.
