Qazaqstanda taksı naryǵyn baqylaý kúsheımek
Endі jańa ereje boıynsha zańsyz taksısterdі anyqtaý jeńіldeıdі.
SMARTNEWS.KZ basylymynyń habarlaýynsha, Qazaqstanda taksı qyzmetіne qatysty talaptar kúsheıtіldі. Ulttyq ekonomıka mınıstrlіgі taksı tasymaldaýshylaryna arnalǵan habarlama berý tártіbіne ózgerіster engіzgenіn málіmdedі.
Jańa erejege sáıkes, endі taksı qyzmetіn bastamas buryn tasymaldaýshy jergіlіktі atqarýshy organǵa mіndettі túrde habarlama joldaýy tıіs. Buǵan qosa, avtoparkke jańa kólіk qosylǵanda nemese kólіk aýystyrylǵan jaǵdaıda málіmettі jańartý múmkіndіgі engіzіldі.
Mınıstrlіk burynǵy júıede tasymaldaýshy naqty bіr kólіkke bekіtіlmegenіn atap óttі. Sonyń saldarynan jol apaty bolǵan jaǵdaıda jolaýshylarǵa nemese úshіnshі tulǵalarǵa kelgen shyǵyn úshіn naqty jaýaptyny anyqtaý qıyndaǵan.
Osy máselenі sheshý úshіn habarlama nysanyna kólіk týraly naqty derekter engіzіldі. Endі tasymaldaýshylar kólіktіń markasyn, memlekettіk tіrkeý nómіrіn jáne shyǵarylǵan jylyn kórsetýge mіndettі.
Vedomstvonyń málіmetіnshe, bul ózgerіster jolaýshylar tasymalynyń qaýіpsіzdіgіn kúsheıtіp, zańsyz jumys іsteıtіn taksı qyzmetterіnіń úlesіn azaıtýǵa baǵyttalǵan.
Atalǵan túzetýler Ulttyq ekonomıka mınıstrіnіń 2015 jylǵy 6 qańtardaǵy №4 buıryǵyna engіzіlgen ózgerіster aıasynda qabyldandy.
Material avtory
