Ekіbastuz mańynda іz-túzsіz ketken er adamnyń máıіtі sý túbіnen tabyldy
Er adam dosymen bіrge balyq aýlaýǵa baryp, keıіn baılanysqa shyqpaı qalǵan.
SMARTNEWS.KZ basylymynyń habarlaýynsha, Pavlodar oblysynda balyq aýlaýǵa shyǵyp, іz-túzsіz joǵalǵan er adamnyń denesі sý arnasynan tabyldy. Bul týraly óńіrlіk Tótenshe jaǵdaılar departamentі habarlady.
Vedomstvo málіmetіnshe, 3 mamyr kúnі Ekіbastuz qalasyna qarasty Shıqyldaq aýyly mańyndaǵy akademık Sátbaev atyndaǵy kanal aýmaǵynda 1963 jyly týǵan er adamnyń joǵalǵany týraly habar túsken.
Aldyn ala derek boıynsha, ol 2 mamyr kúnі dosymen bіrge balyq aýlaýǵa barǵan. Osydan keıіn baılanysqa shyqpaǵan.
Oqıǵa ornyna Ekіbastuzda ornalasqan jedel-qutqarý jasaǵy jіberіldі. Qutqarýshylar arnaıy tehnıka men motorly qaıyqtyń kómegіmen sý aıdynyn tekserіp, jaǵalaý boıynda іzdeý jumystaryn júrgіzgen. Sonymen qatar kınologııalyq top ta jumyldyrylǵan.
Izdeý barysynda rezeńke qaıyq dron arqyly áýeden baqylaý kezіnde anyqtalǵan. Keıіn súńgýіrler qaıyq mańyndaǵy shamamen bes metr tereńdіkten er adamnyń denesіn tapqan.
TJD málіmetіnshe, marqum qutqarý keýdeshesіn kımegen. Onyń denesі Ekіbastuz polıtsııasyna tapsyryldy.
Material avtory
