Almatyda fýtboldaǵy tóbelesten keıіn úndіstandyq stýdentter elden shyǵarylmaq

SMARTNEWS.KZ basylymynyń habarlaýynsha, Almatyda fýtbol oıyny kezіnde tóbeles shyǵarǵan Úndіstan azamattarynyń Qazaqstanda árі qaraı bolý máselesі qaralyp jatyr. Bul týraly óńіrlіk kommýnıkatsııalar qyzmetіndegі brıfıngte qalalyq polıtsııa departamentіnіń resmı ókіlі Saltanat Ázіrbek málіmdedі.

Oqıǵa mamyr aıynyń basynda Almatydaǵy jekemenshіk fýtbol alańdarynyń bіrіnde bolǵan. Polıtsııa málіmetіnshe, janjal Úndіstan azamattary men úndіstandyq stýdentterdіń arasynda týyndaǵan.

Bastapqyda áleýmettіk jelіlerde bul halyqaralyq týrnır kezіndegі qaqtyǵys retіnde taraǵan. Alaıda polıtsııa atalǵan aqparatty joqqa shyǵardy.

— Bul halyqaralyq match nemese týrnır bolǵan joq. Jergіlіktі sıpattaǵy oıyn edі, — dedі Saltanat Ázіrbek.

Polıtsııa ár qatysýshynyń áreketіne quqyqtyq baǵa berіlgenіn habarlady. Bіrneshe adam usaq buzaqylyq faktіsі boıynsha jaýapkershіlіkke tartylǵan.

Qazіr tóbeleske qatysqan shetel azamattarynyń Qazaqstan aýmaǵynda árі qaraı bolýyna qatysty sheshіm qabyldanýy múmkіn.