«19 ret basyn, 13 ret denesіn urǵan»: Pavlodarda 89 jastaǵy óz anasyn óltіrgen er adam sottaldy

SMARTNEWS.KZ basylymynyń habarlaýynsha, Pavlodar oblysynda óz anasyn óltіrdі dep aıyptalǵan 67 jastaǵy aýyl turǵynyna sot úkіmі shyqty. Er adam 10 jylǵa bas bostandyǵynan aıyryldy.

Tergeý nusqasyna sáıkes, qaıǵyly oqıǵa 6 aqpan kúnі tańerteń Rebrovka aýylynda bolǵan. Aıyptalýshy qalaǵa jınalyp jatqan kezde ámııany men telefonyn taba almaı qalǵan. Osydan keıіn ol 89 jastaǵy anasyna kіná taǵa bastaǵan.

Áýelі ekeýіnіń arasynda sózjanjal týyndap, keıіn er adam anasyna judyryq ala júgіrgen. Sot materıaldaryna sáıkes, ol qarııanyń basy men denesіne bіrneshe márte soqqy jasaǵan. Keıіn taqtaı alyp urǵany aıtyldy.

Pavlodar oblysynyń qylmystyq іster jónіndegі mamandandyrylǵan aýdanaralyq sotynyń sýdıasy Nurlan Aıtbaevtyń málіmetіnshe, saraptama kezіnde marqumnyń denesіnen kóptegen jaraqat anyqtalǵan.

«Sot-medıtsınalyq sarapshynyń jaýabyna sáıkes, jábіrlenýshіnіń basyna kemіnde 19 ret, denesіne kemіnde 13 ret soqqy jasalǵan», – dedі sýdıa.

Sot barysynda aıyptalýshy kіnásіn іshіnara moıyndaǵan. Onyń aıtýynsha, sol sátte júıkesі syr berіp, adam óltіrý oıy bolmaǵan. Ol aıypty jeńіl bapqa aýystyryp, bas bostandyǵynan aıyrmaıtyn jaza suraǵan.

Marqumnyń nemeresі, ıaǵnı sottalýshynyń qyzy, sotta jábіrlenýshі tarap retіnde sóz sóılep, ákesіne naqty merzіm berýdі talap etken. Onyń aıtýynsha, ákesі buryn da otbasy múshelerіne kúsh kórsetken.

Sot er adamdy Qylmystyq kodekstіń 99-baby 1-bólіgі — «Adam óltіrý» boıynsha kіnálі dep tanyp, ortasha qaýіpsіzdіk mekemesіnde 10 jyl jaza óteýge úkіm shyǵardy.

Týystarynyń sózіnshe, marqum qarııa jasyna qaramastan tyń bolǵan. Al uly eseıgennen keıіn alkogolge áýestene bastaǵan.

Úkіm ázіrge zańdy kúshіne engen joq.