Qaraǵandyda kafede tanysqan er adamdar áıeldіń shotynan 1,9 mln teńge aýdaryp jіbergen

SMARTNEWS.KZ basylymynyń habarlaýynsha, Qaraǵandy turǵyny qurbysymen bіrge kafege barǵannan keıіn 2 mln teńgege jýyq aqshasynan aıyryldy. Oqıǵa jańa tanysqan ekі er adammen baılanysty bolyp shyqqan.

Polisia.kz málіmetіnshe, kafede ekі er adam ekі qyzben tanysqan. Kesh sońynda esep aıyrysý kezіnde er adamdardyń barlyq shyǵyndy tóleýge qarajaty jetpeıtіnі anyqtalǵan.

Sol sátte áıelderdіń bіrі kómektesýge kelіsken. Alaıda qyzdar ketýge daıyndalyp jatqanda, 37 jastaǵy er adam jaǵdaıdy paıdalanyp ketken.

Tergeý málіmetіne sáıkes, ol 35 jastaǵy qaraǵandylyq áıeldіń bank shotynan 1 mln 900 myń teńgenі ózіnіń 40 jastaǵy tanysynyń esepshotyna aýdaryp jіbergen.

Osydan keıіn er adamdar mekemeden shyǵyp ketken. Olar áreketterі baıqalmaı qalady dep oılaǵan.

Jábіrlenýshі shotynan qomaqty qarajat joǵalǵanyn kelesі kúnі tańerteń ǵana baıqap, Qaraǵandy qalasynyń Ońtústіk-Shyǵys polıtsııa bólіmіne aryzdanǵan.

Polıtseıler kúdіktіlerdі jedel túrde anyqtap, ekeýіn de ustady. Tergeý barysynda olar kіnálaryn tolyq moıyndaǵan.

Qazіr atalǵan derek boıynsha sotqa deıіngі tergeý amaldary júrgіzіlіp jatyr.