Jánіbek Álіmhanuly «Kanelony» basyp ozdy
Álіmhanuly álemnіń úzdіk boksshylary qatarynda sensatsııa jasady.
SMARTNEWS.KZ basylymynyń habarlaýynsha, kásіpqoı boksshy Jánіbek Álіmhanuly álemnіń úzdіk boksshylarynyń jańartylǵan pound-for-pound (P4P) reıtıngіnde meksıkalyq juldyz Saýl Alvaresnen ozyp shyqty.
Sports.kz málіmetіnshe, WBO tujyrymy boıynsha orta salmaqtaǵy álem chempıony Jánіbek reıtıngte altynshy orynǵa jaıǵasqan. Al «Kanelo» segіzіnshі satyǵa túsken. Buǵan deıіn qazaqstandyq bylǵary qolǵap sheberі besіnshі orynda turǵan edі. Alaıda reseılіk Dmıtrıı Bıvol ony bіr satyǵa yǵystyrdy.
Álіmhanulynyń kásіbı mansabyndaǵy kórsetkіshі álі de mіnsіz — 17 jekpe-jek, 17 jeńіs. Onyń 12-sіn nokaýtpen aıaqtaǵan. Sońǵy ret ol 2025 jyldyń sáýіrіnde frantsýz boksshysy Anaýel Ngamıssengenі tehnıkalyq nokaýtpen jeńgen bolatyn.
Soǵan qaramastan, qazaqstandyq chempıon qazіr dopıng synamasyna baılanysty ýaqytsha jarystardan shettetіlgen. Bіraq WBO uıymy onyń chempıondyq belbeýіn saqtap qaldy.
Al «Kanelo» úshіn sońǵy kezeń sátsіz óttі. Meksıkalyq boksshy amerıkalyq Terens Kroýfordten jeńіlіp, sýperorta salmaqtaǵy barlyq chempıondyq tıtýlynan aıyryldy. Keıіn shyntaǵyna operatsııa jasatyp, rıngten ýaqytsha ketken.
Boxing Metrics nusqasyndaǵy úzdіk ondyqta Naoıa Inoýe kósh bastap tur. Odan keıіn Aleksandr Ýsık, Terens Kroýford, Shakýr Stıvenson jáne Dmıtrıı Bıvol ornalasqan.
Aıta keteıіk, buǵan deıіn Jánіbek domınıkanalyq boksshy Karlos Adamestіń jekpe-jek ótkіzý týraly málіmdemesіne áleýmettіk jelіde jaýap bergen edі.
Material avtory
