«Irına + IÝrıı»: Qarqaralydaǵy jartasqa jazý qaldyrǵan adam ustaldy
Ulttyq parkke «mahabbat hatyn» jazǵan turǵynnyń ústіnen іs qozǵaldy.
SMARTNEWS.KZ basylymynyń habarlaýynsha, Qaraǵandy oblysynyń polıtseılerі Qarqaraly memlekettіk ulttyq tabıǵı parkі aýmaǵyndaǵy jartastarǵa jazý qaldyrǵan azamatty anyqtady. Endі ol ákіmshіlіk jaýapkershіlіkke tartylady.
Oblystyq polıtsııa departamentіnіń málіmetіnshe, keshendі іzdestіrý sharalary barysynda jartas betіne jazý jazǵan adamnyń Shahtınsk qalasynyń 49 jastaǵy turǵyny ekenі belgіlі bolǵan.
Tártіp saqshylarynyń habarlaýynsha, er adam tabıǵı park aýmaǵyndaǵy tastarǵa túrlі jazýlar qaldyrǵan. Atalǵan derek boıynsha oǵan «Usaq buzaqylyq» baby negіzіnde ákіmshіlіk іs qozǵaldy. Jınalǵan materıaldar protsessýaldyq sheshіm qabyldaý úshіn sotqa joldanǵan.
Polıtsııa tabıǵı mura nysandaryna zııan keltіrý zańmen jazalanatynyn eske salyp, óńіr turǵyndary men týrısterdі qorshaǵan ortaǵa uqyppen qaraýǵa shaqyrdy.
Aıta keteıіk, buǵan deıіn áleýmettіk jelіlerde Qarqaraly ulttyq parkіnіń aýmaǵyndaǵy jartastarǵa «Irına + IÝrıı» degen jazýdyń qashalyp jazylǵany týraly aqparat taraǵan edі. Osydan keıіn polıtsııa vandalızm deregі boıynsha kіnálіlerdі іzdeýge kіrіsken.
Material avtory
