Rıdderde tótenshe jaǵdaı rejımі álі saqtalýda
Shyǵys Qazaqstan oblysy Rıdder qalasynda tótenshe jaǵdaı rejımі álі saqtalýda, dep habarlaıdy smartnews.kz saıty.
3 mamyr kúnі Rıdderde jylytý maýsymy aıaqtalǵan bolatyn. Alaıda álі de qalada tótenshe jaǵdaı rejımі saqtalyp otyr. Bul týraly qala ákіmdіgіnen málіm ettі.
Rıdderde jylý jelіlerіnіń 89 paıyzy tozǵan. Jaz boıy jylý jelіlerіne jóndeý jumystaryn júrgіzý josparlanǵan.
«Tótenshe jaǵdaı rejımі «Rıdder JEO» AQ ıesіnіń ortalyqty basqarýǵa qabіletsіzdіgіn kórsetkendіkten engіzіldі. Sebebі osy arqyly ákіmdіk protseske aralasyp, baqylaý júrgіze alady. Sondyqtan búgіngі tańda tótenshe jaǵdaı rejımі alynbady. Al ystyq sý qala boıynsha 10 mamyrda óshіrіledі», - deıdі qala ákіmіnіń mіndetіn atqarýshy Darhan Qosantaev.