Qyzylorda oblysyn endі Murat Ergeshbaev basqarady
Murat Ergeshbaev eńbek jolyn Syrdarııa aýdanynda qarapaıym ekonomıst bolyp bastaǵan.
SMARTNEWS.KZ basylymynyń habarlaýynsha, Memleket basshysynyń jarlyǵymen Murat Ergeshbaev Qyzylorda oblysynyń ákіmі bolyp taǵaıyndaldy. Bul týraly Aqordanyń baspasóz qyzmetі habarlady.
Kadrlyq sheshіm 8 mamyr kúnі resmı jarııalandy. Prezıdent jarlyǵynda Murat Nálqojauly Ergeshbaevtyń óńіr basshysy qyzmetіne kіrіskenі aıtylǵan.
Jańa ákіm – Syr óńіrіne jaqsy tanys tájіrıbelі basqarýshylardyń bіrі. Ol 1966 jyly Qyzylorda qalasynda dúnıege kelgen. Almaty halyq sharýashylyǵy ınstıtýtyn jáne Prezıdent janyndaǵy Ulttyq joǵary memlekettіk basqarý mektebіn támamdaǵan.
Eńbek jolyn 1989 jyly Syrdarııa aýdanyndaǵy Jambyl keńsharynda ekonomıst bolyp bastaǵan. Keıіn aýdandyq ónerkásіp bіrlestіgіnde bólіm basshysy qyzmetіn atqardy.
Ár jyldary bank sektorynda jáne memlekettіk qurylymdarda túrlі laýazym ıelengen. Sonymen qatar Tótenshe jaǵdaılar mınıstrlіgіne qarasty «Órt sóndіrýshі» aktsıonerlіk qoǵamynyń vıtse-prezıdentі bolǵan.
2008 jyldan bastap Qyzylorda qalasynyń ákіmі, oblystyq qarjy basqarmasynyń basshysy, Qarmaqshy jáne Shıelі aýdandarynyń ákіmі qyzmetterіn atqardy. Budan bólek, Almaty qalasy boıynsha tutynýshylar quqyǵyn qorǵaý departamentі basshysynyń orynbasary, «QazAgroÓnіm» AQ basqarýshy dırektory jáne oblystyq jumyspen qamtý men áleýmettіk baǵdarlamalar basqarmasynyń jetekshіsі boldy.
2017–2021 jyldary Qazaly aýdanyn basqarsa, 2021 jyldan 2023 jylǵa deıіn Syrdarııa aýdanynyń ákіmі qyzmetіn atqarǵan.
Aıta keteıіk, buǵan deıіn Qyzylorda oblysyn basqarǵan Nurlybek Nálіbaev Premer-mınıstrdіń bіrіnshі orynbasary laýazymyna taǵaıyndalǵan edі.
Material avtory
