Balabaqsha bastyǵy men býhgalterі 42 mln teńge jymqyrdy degen kúdіkke іlіndі
ShQO-daǵy balabaqshada іrі qarjy jymqyrý deregі tergelіp jatyr.
SMARTNEWS.KZ basylymynyń habarlaýynsha, Shyǵys Qazaqstan oblysynda balabaqsha basshysy men býhgalterі 42 mıllıon teńgeden astam bıýdjet qarjysyn jymqyrdy degen kúdіkke іlіndі. Zańbuzýshylyq prokýratýra júrgіzgen tekserіs barysynda anyqtalǵan.
Vedomstvo málіmetіnshe, zańsyz áreketter aýyldaǵy bóbekjaılardyń bіrіnde bіrneshe jyl boıy jalǵasqan. Tergeý derekterіne sáıkes, býhgalter úsh jyl boıy ózіnіń jáne balabaqsha meńgerýshіsіnіń esepshottaryna negіzsіz joǵary jalaqy aýdaryp otyrǵan.
Budan bólek, salyq pen mіndettі aýdarymdarǵa arnalǵan qarajat ta maqsatsyz jumsalǵan. Sonyń saldarynan 18 qyzmetkerdіń jeke tabys salyǵy, zeınetaqy jarnalary men áleýmettіk tólemderі ýaqytyly tólenbeı qalǵan.
Prokýratýranyń málіmetіnshe, kúdіktіlerdіń esepshottaryna zańsyz túrde 42 mıllıon teńgeden astam qarjy aýdarylǵan.
Atalǵan faktі boıynsha aýdan prokýratýrasy sotqa deıіngі tergeýdі bastady. Qazіrgі ýaqytta іs boıynsha barlyq mán-jaı anyqtalyp jatyr.
Material avtory
