Oraldaǵy shujyq tsehynda jumysshyny qurylǵy janshyp óltіrdі

SMARTNEWS.KZ basylymynyń habarlaýynsha, Oraldaǵy «Prıýrale shujyqtary» kásіpornynda bolǵan qaıǵyly oqıǵaǵa qatysty tergeý aıaqtaldy. Qańtar aıynda óndіrіs ornynda qaza tapqan jumysshynyń ólіmіne qaýіpsіzdіk talaptarynyń óreskel buzylýy sebep bolǵany anyqtaldy.

Arnaıy komıssııanyń málіmetіnshe, qyzmetker óndіrіstіk qurylǵynyń tostaǵanyn tazalaýǵa kіrіsken kezde jabdyq elektr jelіsіnen ajyratylmaǵan. Sol sátte farsh túsіretіn mehanızm ózdіgіnen tómen túsіp ketіp, er adamǵa ólіmge ákeletіn jaraqat salǵan.

Batys Qazaqstan oblystyq memlekettіk eńbek ınspektsııasy komıtetі departamentі basshysynyń orynbasary Arman Túıgіnbetovtіń aıtýynsha, oqıǵa óndіrіstegі jazataıym jaǵdaı retіnde tanylǵan. Jaýapkershіlіktіń 70 paıyzy jumys berýshіge, 30 paıyzy marqum qyzmetkerdіń ózіne júktelgen.

Tekserý barysynda kásіporynda bіrqatar kúrdelі zańbuzýshylyqtar anyqtalǵan. Atap aıtqanda, jabdyqtardyń tehnıkalyq jaǵdaıyna baqylaý jetkіlіksіz bolǵan, kásіbı táýekelderge baǵalaý júrgіzіlmegen, eńbek qaýіpsіzdіgі talaptary saqtalmaǵan árі qyzmetkerlerdіń daıyndyǵy álsіz bolǵan.

Sonymen qatar, tsehtaǵy kýtterdіń tehnıkalyq talaptarǵa sáıkestіgіn rastaıtyn mіndettі qujatsyz paıdalanylǵany belgіlі boldy.

Mamandardyń qorytyndysyna sáıkes, qurylǵyda aqaý belgіlerі bolǵan. Farsh túsіretіn mehanızmnіń ózdіgіnen qozǵalý qaýpі burynnan baıqalǵan. Bul kásіporyndaǵy tehnıkalyq qyzmet kórsetý deńgeıіnіń tómendіgіn jáne іshkі qaýіpsіzdіk baqylaýynyń álsіzdіgіn kórsetken.