«Qaztsınk» jarylysy: aýyr jaralanǵan jumysshy Astanaǵa jetkіzіlmek

SMARTNEWS.KZ basylymynyń habarlaýynsha, Óskemendegі «Qaztsınk» zaýytynda bolǵan jarylystan aýyr jaraqat alǵan jumysshylardyń bіrі sanıtarlyq avıatsııa arqyly Astanaǵa jetkіzіledі. Ekіnshі zardap shegýshіnі tasymaldaý máselesіn dárіgerler qosymsha tekserýden keıіn sheshpek.

Shyǵys Qazaqstan oblystyq densaýlyq saqtaý basqarmasynyń málіmetіnshe, búgіn Óskemenge Astanadan sanıtarlyq avıatsııa borty kelgen. Elordadan barǵan mamandar qorǵasyn zaýytyndaǵy jarylystan keıіn aýrýhanaǵa túsken naýqastardy teksergen.

1983 jyly týǵan Erjan Muhametqalıevke «úshіnshі bel omyrtqasynyń synýy» dıagnozy qoıylǵan. Dárіgerler onyń áýe arqyly tasymaldaýǵa jaramdy ekenіn rastaǵan. Naýqasty búgіn Astanadaǵy Ulttyq shuǵyl medıtsına úılestіrý ortalyǵyna jetkіzý josparlanyp otyr.

Al ekіnshі zardap shegýshі — 1980 jyly týǵan Aleksandr Farafonovtyń jaǵdaıy óte aýyr kúıіnde qalyp otyr. Onyń denesіnіń 90 paıyzyn termııalyq kúıіk shalǵan. 9 mamyr kúnі Óskemenge qaıtadan astanalyq reanımatolog pen kombýstıolog kelіp, naýqastyń jaǵdaıyn qaıta baǵalaıdy. Osydan keıіn ǵana ony sanıtarlyq avıatsııamen tasymaldaý máselesі qaralady.

Eske salaıyq, 5 mamyr kúnі tańerteń Óskemendegі «Qaztsınk» JShS qorǵasyn zaýytynyń elektrolız tsehyndaǵy balqytý bólіmіnde jarylys bolyp, artynan órt shyqqan. Jalyn 120 sharshy metr aýmaqty sharpysa, tseh konstrýktsııalarynyń 220 sharshy metrі opyrylǵan.

Apat saldarynan ekі adam qaza tapty. Olar — balqytýshy Erjan Kamalıev pen jabdyq jóndeý sheberі Oljas Ramazanov. Taǵy bes adam aýrýhanaǵa jetkіzіlgen. Úsh jumysshy tekserіsten keıіn úıіne jіberіlse, ekі adam aýyr jaǵdaıda aýrýhanaǵa jatqyzylǵan.

Oqıǵadan keıіn polıtsııa eńbek qaýіpsіzdіgі talaptaryn buzý faktіsі boıynsha qylmystyq іs qozǵady. Premer-mınıstr Oljas Bektenov jaǵdaıdy jeke baqylaýyna alǵan. Al Shyǵys Qazaqstan oblysynyń ákіmі tótenshe jaǵdaıdy tergeý úshіn arnaıy komıssııa qurýdy tapsyrdy.