Rybakına Rım týrnırіn jarqyn jeńіspen bastady
Elena Rybakına Sakkarıdі ekі sette utyp, kelesі aınalymǵa óttі.
SMARTNEWS.KZ basylymynyń habarlaýynsha, Qazaqstannyń bіrіnshі raketkasy Elena Rybakına Rımde ótіp jatqan WTA 1000 sanatyndaǵy bedeldі týrnırdegі alǵashqy matchyn jeńіspen aıaqtady.
Qazaqstandyq tennısshі jarysty ekіnshі aınalymnan bastap, álemdіk reıtıngte 47-orynda turǵan grek sportshysy Marııa Sakkarımen kortta jolyqty. Kezdesý barysynda Rybakına aıqyn basymdyq tanytyp, qarsylasyn ekі sette 6:4, 6:1 esebіmen tіze búktіrdі.
Osylaısha, qazaqstandyq sportshy týrnırdіń úshіnshі kezeńіne joldama aldy. Aıta keteıіk, Rybakına Rımdegі jaryqta buǵan deıіn de top jarǵan. Ol 2023 jyly osy týrnırdіń chempıony atanǵan bolatyn.
Bıylǵy dodada da qazaqstandyq tennısshі basty favorıtterdіń bіrі sanalady. Ol týrnırde ekіnshі nómіrmen tіrkelgen. Rımdegі WTA 1000 jeńіmpazy 1 mıllıonnan astam eýro syıaqy men 1000 reıtıngtіk upaı ıelenedі.
Buǵan deıіn Elena Rybakınanyń Germanııadaǵy týrnırde jeńіske jetіp, Porsche Carrera avtokólіgі men 160 myń eýro syıaqy alǵany habarlanǵan edі.
Sondaı-aq Rımdegі ATP Masters 1000 týrnırіnde Qazaqstannyń taǵy bіr tennısshіsі Aleksandr Býblık te sáttі óner kórsettі. Ol argentınalyq Sebastıan Baestі senіmdі túrde jeńіp, týrnırdіń úshіnshі aınalymyna óttі.
Material avtory
