Aq úıdegі UFC týrnırі tóbelespen bastaldy (VIDEO)
Qaýіpsіzdіk qyzmetі janjal shyǵarǵan faıterdі shuǵyl túrde zaldan alyp shyqty.
SMARTNEWS.KZ basylymynyń habarlaýynsha, Ultimate Fighting Championship uıymynyń Aq úıde ótetіn UFC Freedom 250 týrnırіne arnalǵan baspasóz máslıhatynda janjal shyqty. Oqıǵaǵa jeńіl salmaqtaǵy chempıon Ilııa Topýrııa men amerıkalyq aýyr salmaqtaǵy faıter Djosh Hokıt qatysqan.
Nıýarkte ótken sharaǵa týrnırdіń barlyq qatysýshylary jınalǵan. 14 maýsymda Aq úıde ótetіn keshte Hokıt otandasy Derrık Lıýıspen oktagonǵa shyǵýy tıіs.
Baspasóz máslıhaty kezіnde amerıkalyq sportshy qarsylastaryn arandatatyn málіmdemeler jasap, aýyr sózder aıtqan. Keıіn ol ýaqytsha aýyr salmaq beldіgіne talasatyn brazılııalyq Aleks Pereırage tıіsіp, ony kópshіlіk aldynda qorlaǵan.
Osy sátte Topýrııa aralasyp, Hokıtke eskertý jasaǵan. Alaıda amerıkalyq faıter grýzııalyq chempıondy da balaǵattap, jaǵdaıdy ýshyqtyrǵan.
Buǵan jaýap retіnde ornynan atyp turǵan Topýrııany kúzet qyzmetі toqtatty. Keıіn ol ústel ústіndegі shaǵyn zatty Hokıtke qaraı laqtyryp, onyń kózіlіgіne tıgіzgen.
Janjal osydan keıіn tіptі ýshyǵyp ketken. Ornynan turǵan Pereıra da qarsy tarapqa qaraı bet alǵan soń, qaýіpsіzdіk qyzmetі Hokıttі shuǵyl túrde zaldan alyp shyqqan. Sonyń saldarynan onyń Lıýıspen josparlanǵan kóz túıіstіrý rásіmі ótpeı qaldy.
Material avtory
