Aqtóbe mańynda qumǵa batqan shveıtsarııalyq týrıst qutqaryldy
Mońǵolııaǵa bet alǵan sheteldіk áıeldіń kólіgі Ilek jaǵasynda turyp qaldy.
SMARTNEWS.KZ basylymynyń habarlaýynsha, Shveıtsarııa azamaty Mońǵolııaǵa avtosaıahatpen bara jatyp, Aqtóbe mańyndaǵy qumǵa batyp qaldy. Oqıǵa Ilek ózenі aýmaǵynda bolǵan.
Vedomstvo málіmetіnshe, qutqarýshylar reıdtіk іs-shara kezіnde qumǵa batyp qalǵan jeńіl kólіktі baıqap qalǵan. Kólіk іshіnde Shveıtsarııa Respýblıkasynyń azamaty bolǵan. Áıel jeke avtokólіgіmen Mońǵolııa baǵytyna jol tartqan.
Oqıǵa ornyna jedel jetken TJM qyzmetkerlerі kólіktі qumnan shyǵaryp, qaýіpsіz jerge evakýatsııalaǵan. Sheteldіk týrıstke medıtsınalyq kómek qajet bolmaǵan.
Qutqarýshylar jolǵa shyǵar aldynda baǵyt pen jer bederіn muqııat tekserýge, ásіrese qumdy jáne batpaqty aýmaqtarda saq bolýǵa shaqyrdy.
Material avtory
