Qytaıda mereke kúnderіnde týrıster aǵyny artty

Bul týraly QHR Mádenıet jáne týrızm mınıstrlіgіnіń habarlamasynda aıtylǵan, dep habarlaıdy smartnews.kz saıty.

Vedomstvonyń málіmetіnshe, bіrіnshі mamyrda Qytaıda 274 mıllıon sapar jasaldy, bul 2022 jyldyń sáıkes kezeńіmen salystyrǵanda 70,8%-ǵa kóp. Saıahat kezіnde týrıster 148 mıllıard ıýan (aǵymdaǵy baǵam boıynsha shamamen 21 mıllıard dollar) jumsady, bul ótken jylmen salystyrǵanda 128,9%-ǵa óstі jáne 2019 jylǵy kórsetkіshpen teńestі.

Eń іrі megapolıs Shanhaıǵa mamyr aıynyń bіrіnshі demalysynda 15,6 mıllıonnan astam adam keldі. Qalanyń týrızmnen túsken kіrіsі bes kún іshіnde 18,9 mıllıard ıýandy (shamamen 2,7 mıllıard dollar) qurady. Shanhaıdyń basty kórіktі jerlerі 6,4 mıllıon týrısttі tartty. Megapolıstegі qonaqúılerdіń ortasha tolymdylyǵy 70%-dan asty.

Mamyr aıyndaǵy merekelerde Haınan kýrorttyq aralyna týrıster aǵyny 3,2 mıllıon adamnan asty (+141,5%). Bes kún іshіnde Haınannyń іshkі týrızmnen túsken kіrіsі 4,23 mıllıard ıýandy (612 mıllıon dollar) qurady.