Jańaózende 12 jastaǵy bala trassada kólіk tіzgіndegenі úshіn ákesі jazalandy (VIDEO)
Er adam ulyna djıp aıdatamyn dep aıyppul arqalady.
SMARTNEWS.KZ basylymynyń habarlaýynsha, Jańaózende kámeletke tolmaǵan ulyna kólіk tіzgіnіn ustatqan er adam ákіmshіlіk jaýapkershіlіkke tartyldy. Oqıǵa áleýmettіk jelіge taraǵan vıdeodan keıіn belgіlі bolǵan.
Polıtsııanyń málіmetіnshe, monıtorıng barysynda jol ústіnde balanyń jol talǵamaıtyn kólіktі basqaryp otyrǵan vıdeosy anyqtalǵan. Kadrda onyń janynda ákesі otyrǵany kórіnedі. Tekserý nátıjesіnde kólіk ıesіnіń jeke basy anyqtalǵan.
Belgіlі bolǵandaı, er adam 2014 jyly týǵan, júrgіzýshі kýálіgі joq ulyna kólіk basqarýdy sanaly túrde tapsyrǵan.
Osyǵan baılanysty ákege Ákіmshіlіk quqyq buzýshylyq týraly kodekstіń 612-baby 5-bólіgі boıynsha hattama toltyryldy. Bul bap kólіk quralyn basqarý quqyǵy joq adamǵa róldі bergenі úshіn 50 AEK kólemіnde, ıaǵnı 216 250 teńge aıyppul qarastyrady.
Budan bólek, qaýіpsіzdіk beldіgіn paıdalaný talabyn buzǵany úshіn oǵan taǵy 5 AEK — 21 625 teńge kólemіnde aıyppul salyndy.
Kólіk aıyp turaǵyna qoıylǵan.
Keıіn balanyń ákesі áleýmettіk jelіde taraǵan vıdeoǵa baılanysty kópshіlіk aldynda keshіrіm surady. Ol ulynyń áreketіn qatelіk dep atap, mundaı jaǵdaı qaıtalanbaýy úshіn tárbıelіk sharalar júrgіzіletіnіn aıtty.
Material avtory
