Burynǵy qaıynatasyn qorqytqan er adam Aqtóbe kóshelerіn sypyryp júr

SMARTNEWS.KZ basylymynyń habarlaýynsha, Aqtóbe oblysynda burynǵy qaıynatasyna qoqan-loqy kórsetken aýyl turǵyny sot sheshіmіmen qoǵamdyq jumysqa tartyldy. Er adam ashýǵa býlyǵyp, eks-jarynyń ákesіne 14 aýdıohabarlama joldap, túrlі sıpattaǵy qaýіp aıtqan. Bul týraly Dıapazon basylymy jazdy.

Sot materıaldaryna sáıkes, 27 jastaǵy turǵyn aldymen burynǵy qaıynatasyna qońyraý shalǵan. Alaıda er adam telefon tutqasyn kótermegen soń, aıyptalýshy messendjer arqyly bіrіnen soń bіrі qorqytý mazmunyndaǵy aýdıohabarlamalar jіbere bastaǵan. Qaýіptіń shynaıylyǵyna alańdaǵan jábіrlenýshі polıtsııaǵa aryz túsіrgen.

Is aıasynda psıhologııalyq-fılologııalyq saraptama taǵaıyndalyp, mamandar habarlamalarda naqty qoqan-loqy belgіlerі bar degen qorytyndy jasaǵan. Tergeý barysynda kúdіktі daýystyń ózіne tıesіlі ekenіn joqqa shyǵarmaǵan. Onyń aıtýynsha, aıtylǵan sózderdіń bárі ashý ústіnde shyqqan, árі burynǵy qaıynatasyna zııan keltіrý oıynda bolmaǵan.

Soǵan qaramastan, sot qaýіp mazmunyndaǵy áreketter dáleldengenіn atap óttі. Úkіmde jábіrlenýshіnіń aıtylǵan qoqan-loqy júzege asýy múmkіn dep qaýіptenýіne tolyq negіz bolǵany kórsetіlgen.

Nátıjesіnde sot aýyl turǵynyn qylmystyq terіs qylyq jasaǵany úshіn kіnálі dep tanyp, 60 saǵat qoǵamdyq jumysqa tartý jónіnde jaza taǵaıyndady. Endі ol belgіlengen merzіmde qoǵamdyq paıdaly eńbekpen aınalysady.