Hantavırýs jaılaǵan laınerden ondaǵan adam evakýatsııalandy
Sırek vırýs anyqtalǵan krýızdіk keme karantın aımaǵyna aınaldy.
SMARTNEWS.KZ basylymynyń habarlaýynsha, Ispanııa bılіgі bortynda hantavırýs anyqtalǵan MV Hondius krýızdіk laınerіnen ondaǵan adamdy evakýatsııalady. Qaýіptі ınfektsııaǵa baılanysty operatsııa barysynda 94 jolaýshy qaýіpsіz jerge shyǵarylǵan.
Ispanııanyń densaýlyq saqtaý mınıstrі Monıka Garsııa evakýatsııanyń alǵashqy kezeńі shtattyq rejımde ótkenіn málіmdedі. Onyń aıtýynsha, jolaýshylar bіrneshe reıspen óz elderіne jóneltіlgen.
MV Hondius kemesі Kabo-Verdede aıaldaǵannan keıіn Kanar araldaryna baǵyt alǵan. Dál osy aral mańynda borttaǵy bіrneshe adamnan hantavırýs belgіlerі anyqtalyp, alǵashqy naýqastar shuǵyl evakýatsııalanǵan edі.
Qazіrgі málіmet boıynsha, taǵy ekі reıs uıymdastyrylady. Onyń bіrі Avstralııaǵa, ekіnshіsі Nıderlandqa baǵyttalady. Osydan keıіn laınerde 34 adam ǵana qalmaq.
Sonymen qatar, Dúnıejúzіlіk densaýlyq saqtaý uıymy evakýatsııalanǵan jolaýshylarǵa 42 kúndіk karantın usyndy. Uıym іndettіń taralý joldaryn anyqtaý úshіn arnaıy tekserý júrgіzіp jatyr.
Buǵan deıіn Atlant muhıtynda saıahattap júrgen laınerde sırek kezdesetіn hantavırýs іndetі tіrkelgenі habarlanǵan bolatyn. Aýrý saldarynan úsh týrıst kóz jumdy.
Keıіngі kúnderі hantavırýsqa qatysty alańdaýshylyq kúsheıe tústі. Izraılde de ınfektsııanyń alǵashqy jaǵdaıy tіrkeldі. Jergіlіktі bılіk naýqastyń Shyǵys Eýropadan kelgenіn málіmdedі.
Qazaqstannyń Ulttyq qoǵamdyq densaýlyq saqtaý ortalyǵy da jaǵdaıǵa baılanysty pіkіr bіldіrіp, ınfektsııanyń elge ený qaýpіne monıtorıng júrgіzіlіp jatqanyn habarlady.
Material avtory
