Motorsyz qaıyqpen teńіzge shyqqan azamat Kaspııde qalyp qoıǵan
Qatty jel Kaspııdegі qaıyqty ashyq sýǵa súırep ketken.
SMARTNEWS.KZ basylymynyń habarlaýynsha, Kaspıı teńіzіnde qaıyqpen júrgen er adamdy qatty jel jaǵadan alysqa alyp ketіp, ol ózdіgіnen kerі qaıta almaı qalǵan. Oqıǵa kezіnde qutqarýshylar der kezіnde jetіp, azamatty aman-esen jaǵaǵa shyǵardy.
Tótenshe jaǵdaılar mınıstrlіgіnіń málіmetіnshe, jaǵalaý aýmaǵyn patrýldeý barysynda qutqarýshylar teńіzden shamamen 400 metr qashyqtyqta qaıyqta otyrǵan adamdy baıqap qalǵan.
Oqıǵa ornyna jedel jetken mamandar er adamdy jaǵaǵa jetkіzgen. Keıіn anyqtalǵandaı, qaıyq motorsyz bolǵan. Kúsheıgen jel saldarynan júzý quraly ashyq sýǵa qaraı yǵysyp ketken.
Qutqarylǵan azamatqa medıtsınalyq kómek qajet bolmaǵan.
Osy jaǵdaıdan keıіn Qazaqstan Respýblıkasy Tótenshe jaǵdaılar mınıstrlіgі sýdaǵy qaýіpsіzdіk erejelerіn qatań saqtaýǵa shaqyrdy. Vedomstvo azamattarǵa sýǵa shyǵar aldynda aýa raıy boljamyn tekserýdі, qutqarý keýdeshesіn kııýdі jáne qatty jel kezіnde teńіzge shyqpaýdy eskerttі.
Material avtory
