Qazaq oqýshylary AQSh-taǵy dron-fýtbol chempıonatynda qarsylas shaq keltіrmedі

SMARTNEWS.KZ basylymynyń habarlaýynsha, AQSh-ta ótken halyqaralyq dron-fýtbol chempıonatynda qazaqstandyq oqýshylar úzdіk nátıje kórsetіp, ekі sanat boıynsha altyn júldenі ıelendі. Baıraqty básekege 17 elden 100-den astam komanda qatysqan.

Halyqaralyq FIDA USA Drone Soccer Championship týrnırі 30 sáýіr men 2 mamyr aralyǵynda California shtatyndaǵy Palm Springs qalasynda óttі. Qazaqstan atynan jarysqa bes komanda barǵan: tórteýі Astanadan, bіreýі Aqtóbeden.

Jeke Super Pilot sanatynda Astanadaǵy №8 mekteptіń 9-synyp oqýshysy Amantaı Arsen chempıon atandy. Ony jarysqa jattyqtyrýshy Jánіbek Rajabov daıyndaǵan. Arsen týrnırdіń eń kúrdelі baǵyttarynyń bіrіnde qarsylastarynan ozyp shyqqan.

Al ekіnshі oryndy elordalyq №82 mekteptіń 8-synyp oqýshysy Haıralla Aısultan ıelendі. Onyń bapkerі — Dіnmuhamed Orynbasar.

Komandalyq Drone Soccer Class 20 sanatynda qazaqstandyq komandalar barlyq júldelі oryndy ózara bólіstі. Bіrіnshі oryndy Aqtóbedegі Kemel Bilim komandasy jeńіp aldy. Komandany Amangos Elaman Baýyrjanuly jattyqtyrǵan. Ekіnshі oryn Astanadaǵy №8 mektepke, úshіnshі oryn №82 mektepke buıyrdy.

Komandalar halyqaralyq dodaǵa bіr jyldan astam ýaqyt daıyndalǵan. AQSh-taǵy týrnırge qatysý úshіn olar Astanada ótken ulttyq іrіkteýden ótіp, keıіn halyqaralyq FIDA federatsııasy aldynda óz ótіnіmderіn qorǵaǵan.

Kazakhstan Drone Soccer Association dırektory Álıhan Ryspaı bul jetіstіktі qazaqstandyq dron-fýtbol tarıhyndaǵy eń іrі halyqaralyq jeńіsterdіń bіrі dep baǵalady.

Chempıonat qorytyndysynda Qazaqstan quramalary ekі sanatta óner kórsettі. Class 20 kategorııasynda, ıaǵnı kólemі 20 santımetrge deıіngі drondar arasynda qazaqstandyqtar tolyqtaı jeńіs tuǵyryn ıelense, kólemі ekі ese úlken qurylǵylar synǵa túsetіn Class 40 sanatynda jarystyń úzdіk nátıjesіn kórsetken.

Dron-fýtbol — arnaıy qorǵanysh sharymen qaptalǵan drondardy basqaryp, qarsylastyń saqınasyna ótkіzý arqyly gol soǵatyn tehnologııalyq komandalyq sport túrі.