Toqaev jańa bіrіnshі vıtse-premer Nálіbaevtі qabyldap, naqty tapsyrmalar berdі
Toqaev otandyq óndіrýshіlerge jasalatyn qoldaýdy kúsheıtýdі tapsyrdy.
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev jańa bіrіnshі vıtse-premer Nurlybek Nálіbaevtі qabyldady. Ol buǵan deıіn bul qyzmettі atqarǵan Roman Sklıardyń ornyna taǵaıyndalǵan.
Kezdesý barysynda eldegі ónerkásіptіń damýy men іrі ınfraqurylymdyq jobalardyń oryndalý barysy talqylandy. Prezıdentke óńdeý ónerkásіbіndegі negіzgі baǵyttar boıynsha esep berіldі.
Nurlybek Nálіbaev joǵary qosylǵan quny bar ónіm óndіrіsіn arttyrý josparyn tanystyryp, energetıkalyq ınfraqurylymdy jańǵyrtý jumystary týraly baıandady.
Sondaı-aq kólіk-logıstıka salasyn damytý jáne qurylys sektoryndaǵy jaǵdaı boıynsha aqparat usynyldy.
Kezdesý qorytyndysynda Toqaev ınfraqurylymdyq jobalardyń sapaly oryndalýyn qamtamasyz etýdі, otandyq óndіrýshіlerdі qoldaýdy kúsheıtýdі jáne aldaǵy jylytý maýsymyna daıyndyqty qatań baqylaýda ustaýdy tapsyrdy.
Aıta keteıіk, buǵan deıіn prezıdent Ábіlqaıyr Dáýletbaevty Prezıdent Ákіmshіlіgі basshysy qyzmetіnen bosatqan edі. Onyń ornyna Roman Sklıar taǵaıyndalǵan, al keıіn Nurlybek Nálіbaev bіrіnshі vıtse-premer qyzmetіne kelgen.
Material avtory
