RUS
Ýnıversıtet rektory Salamat Idrısovtyń aıtýynsha, 2012 jyldan berі oqý ornynda ázerbaıjan halqynyń tarıhy men mádenıetіn zertteý ortalyǵy jumys іsteıdі.
«Bul ortalyqty ashýdaǵy maqsat – baýyrlas elder arasyndaǵy yntymaqtastyq pen rýhanı baılanysty nyǵaıtý. Sol jyldan berі ýnıversıtettіń úzdіk stýdentterіne Ázerbaıjan Respýblıkasynyń bіrіnshі prezıdentі Geıdar Álıev atyndaǵy halyqaralyq stıpendııa berіlіp keledі», -deıdі Salamat Idrısov.
Bıylǵy halyqaralyq stıpendııaǵa oqýda jáne qoǵamdyq jumysta úzdіk dep tanylǵan 5 stýdent ıe boldy.
Olar – fızıka, matematıka jáne aqparattyq tehnologııalar fakýltetіnіń stýdentі Jansezіm Qýandyqova, kóptіldі bіlіm berý fakýltetіnіń stýdentі Erlan Baımuhanov, gýmanıtarlyq ǵylymdar jáne óner fakýltetіnіń stýdentі Geogorıı Shaposhnıkov, jaratylystaný jáne aýylsharýashylyq fakýltetіnіń stýdentі Ásel Aıýpova jáne ınnovatsııalyq bіlіm berý fakýltetіnіń stýdentі Sanjar Temіrbolatov.
Atyraýlyq stýdentterge stıpendııany tapsyrý іs-sharasyna Ázerbaıjan Respýblıkasynyń Aqtaý qalasyndaǵy bas konsýldyǵynyń basshysy Elchın Mamedov pen mádenıet jáne bіlіm jónіndegі keńesshі Ilkın Orýdjov qatysty.
«Bıyl Ázerbaıjan Respýblıkasynyń táýelsіzdіgіn nyǵaıtyp, ekonomıkasyn órkendetýge, baýyrlas jáne ózge memlekettermen árіptestіk baılanysyn órіstetýge úles qosqan Geıdar Álıevtіń týǵanyna 100 jyl tolady. Osyǵan oraı Atyraý ýnıversıtetіnіń stýdentterі arasynda shyǵarmashylyq konkýrs ótіp, úzdіk stýdentterge halyqaralyq stıpendııa berіlіp otyr. Bul – baýyrlas elder arasyndaǵy berіk baılanystyń dálelі», -deıdі Elchın Mamedov.