Dýbaıdan páter: Shymkentte túrmede otyrǵan áıel kolledjder arqyly 1,3 mlrd teńge jymqyrǵan
Qaladaǵy gýmanıtarlyq kolledj tek bıýdjet qarjysyn alý úshіn qaǵaz júzіnde ǵana jumys іstegenі belgіlі boldy.
SMARTNEWS.KZ basylymynyń habarlaýynsha, Shymkentte bіlіm salasyna bólіngen mıllıardtaǵan bıýdjet qarjysyn jymqyrý deregі boıynsha tergeý aıaqtaldy. Qarjy monıtorıngі agenttіgіnіń málіmetіnshe, qylmystyq shemany buryn sottalǵan áıel kolonııada otyryp basqarǵan.
Tergeý nusqasyna sáıkes, 2018–2023 jyldar aralyǵynda «Ońtústіk Qazaqstan joǵary medıtsınalyq kolledjі» men «Ońtústіk Qazaqstan gýmanıtarlyq-qarjy kolledjі» arqyly jalǵan oqytý júıesі uıymdastyrylǵan. Shemaǵa kolledj basshylary, býhgalterler jáne affılırlengen tulǵalar qatysqan.
Azamattar oqý oryndaryna formaldy túrde qabyldanǵanymen, іs júzіnde sabaqqa qatyspaǵan. Soǵan qaramastan, memleketten bіlіm berý granttary men kadrlardy qaıta daıarlaý baǵdarlamalary aıasynda qarjy alynǵan.
Tergeýshіlerdіń málіmetіnshe, shema jalǵan qabyldaý jáne jumysqa ornalastyrý buıryqtaryn rásіmdeý, elektrondy tsıfrlyq qoltańbalardy paıdalaný jáne jalǵan aktіler jasaý arqyly іske asqan.
Sonymen qatar, medıtsınalyq kolledjdegі aqyly bólіm stýdentterіnіń bіr bólіgі memleket esebіnen oqyp jatqan stýdentter retіnde kórsetіlgenі anyqtalǵan.
Al gýmanıtarlyq-qarjy kolledjі іs júzіnde jumys іstemegen. Ol tek bıýdjetten qarjy alý úshіn formaldy qurylym retіnde paıdalanylǵan.
Memleketke keltіrіlgen jalpy shyǵyn 1,3 mıllıard teńgeden asqan.
Qarjy monıtorıngі agenttіgіnіń málіmetіnshe, shemany uıymdastyrǵan áıel sońǵy úsh jylda burynǵy jymqyrý іsі boıynsha túrmede otyrǵan. Soǵan qaramastan, ol zańsyz áreketterdі kolonııadan basqaryp otyrǵan.
Tergeý barysynda kúdіktіler 65 mıllıon teńgenі erіktі túrde ótegen.
Sot sanktsııasymen úsh páterge, onyń іshіnde Dýbaıdaǵy jyljymaıtyn múlіkke, sondaı-aq úsh turǵyn úı men úsh kólіkke tyıym salyndy.
Qazіr ekі kúdіktі qamaýda otyr. Taǵy úsh adamǵa elden shyqpaý týraly bultartpaý sharasy tańdalǵan. Qylmystyq іs sotqa joldandy.
Material avtory
