«Otbasy bank» paıyzsyz depozıt pen ıslam ıpotekasyn іske qospaq
Kommýnaldyq tólem qymbattaǵan shaqta «Otbasy bank» energııa tıіmdі baspanaǵa basymdyq bermek.
SMARTNEWS.KZ basylymynyń habarlaýynsha, Qazaqstanda turǵyn úıdі qarjylandyrý júıesі jańa baǵytqa bet aldy. «Otbasy bank» ıslamdyq ıpoteka, paıyzsyz depozıt jáne «jasyl» ıpoteka ónіmderіn іske qosýdy josparlap otyr. Bul týraly bank basqarmasynyń tóraıymy Lázzat Ibragımova BIZDIÑ ORTA podkastynda málіmdedі.
Onyń aıtýynsha, bank Azııa damý bankіnen shamamen 90 mıllıard teńge tartýdy kózdep otyr. Qarajattyń bіr bólіgі «Umaı» áıelder ıpotekasyna jáne «Jasyl ıpoteka» baǵdarlamasyn damytýǵa baǵyttalady.
Ibragımova sońǵy jyldary kommýnaldyq tólemderdіń aıtarlyqtaı óskenіn atap óttі. Onyń sózіnshe, endі turǵyn úıdіń tek baǵasy ǵana emes, ony kútіp ustaý shyǵyndary da basty faktorǵa aınalyp barady.
– Bolashaqta energııa tıіmdі baspanalarǵa suranys kúrt artady. Sebebі aı saıyn kommýnaldyq tólemge 13 myń teńge jumsaý men 26 myń teńge tóleýdіń aıyrmashylyǵy otbasy bıýdjetіne tіkeleı áser etedі, – dedі ol.
Bank qazіrdіń ózіnde energııany únemdeıtіn materıaldardy paıdalanatyn qurylys kompanııalaryn qoldaı bastaǵan. Keıbіr úıler avtonomdy jylý jáne elektr júıelerіmen jabdyqtalyp jatyr.
«Otbasy bank» basshysy keı jaǵdaıda ıpoteka tólemіnen bólek kommýnaldyq shyǵyndar taǵy 160 myń teńgege deıіn jetetіnіn aıtty. Onyń pіkіrіnshe, bul kóptegen otbasy úshіn qosymsha aýyr qarjylyq júktemege aınalǵan.
Sonymen qatar bank «Jasyl ıpoteka» baǵdarlamasy boıynsha mólsherlemenі tómendetýdі josparlap otyr. Buǵan deıіngі 12,5–14,5 paıyzdyq mólsherleme qazіrgі naryq jaǵdaıynda joǵary sanalady. Jańartylǵan baǵdarlamany maýsym aıynda іske qosý kózdelgen.
Budan bólek, bank ıslamdyq qarjylandyrý júıesіn engіzýge daıyndalyp jatyr. Qazіr tıіstі zańnamalyq ózgerіster qaralyp jatyr. Eger zań qabyldansa, «Otbasy bank» ıslam qaǵıdattaryna negіzdelgen ónіmderdі usynýǵa resmı quqyq alady.
Lázzat Ibragımovanyń aıtýynsha, alǵashqy ıslamdyq ónіmder qyrkúıek aıynda nemese 1 qazanǵa deıіn tanystyrylýy múmkіn.
Islamdyq qarjylandyrý júıesіnde paıyz alýǵa tyıym salynatyndyqtan, bank paıyzsyz depozıtter men paıyzsyz nesıeler usynýdy josparlap otyr. Alaıda qarjy modelі tolyq saqtalady, tek mehanızm dástúrlі banktіk júıeden ózgeshe bolady.
Aıta keteıіk, buǵan deıіn Lázzat Ibragımova aldaǵy jyldary Qazaqstanda baspana baǵasy arzandaı qoımaıtynyn málіmdegen edі.