Ybyqty Saı jartastaryna esіmі men kólіk nómіrіn jazǵan mańǵystaýlyq qamaldy
Polıtsııa áleýmettіk jelіdegі vıdeodan keıіn 21 jastaǵy kúdіktіnі jedel anyqtady.
SMARTNEWS.KZ basylymynyń habarlaýynsha, Mańǵystaý oblysynda Ybyqty Saı shatqalyndaǵy jartasqa esіmі men kólіgіnіń memlekettіk nómіrіn jazyp ketken turǵyn qamaýǵa alyndy.
Oblystyq polıtsııa departamentіnіń málіmetіnshe, quqyq qorǵaý organdary áleýmettіk jelіlerdі monıtorıngteý kezіnde tabıǵı nysanǵa jazý qaldyrylǵanyn anyqtaǵan. Vıdeoda er adam tas jynysyna óz aty-jónі men avtokólіk nómіrіn jazyp ketkenі kórіnedі.
Tekserý barysynda kúdіktі retіnde Mańǵystaý oblysynyń 21 jastaǵy turǵyny anyqtalǵan.
Polıtsııa atalǵan derek boıynsha vandalızm faktіsіmen qylmystyq іs qozǵalǵanyn habarlady. Sot sheshіmіmen jіgіt 25 táýlіkke qamaýǵa alynyp, tergeý ızolıatoryna jіberіlgen.
Vedomstvo ókіlderі tabıǵı nysandarǵa, tarıhı-mádenı eskertkіshterge nemese jartastarǵa jazý jazý men sýret salý zańmen qýdalanatynyn eske saldy. Mundaı áreketter ákіmshіlіk te, qylmystyq ta jaýapkershіlіkke ákelýі múmkіn.
Aıta keteıіk, buǵan deıіn polıtseıler 2005 jyly týǵan azamattyń Ybyqty Saı aýmaǵyndaǵy tasqa jazý qaldyrǵanyn anyqtaǵan bolatyn. Keıіn onyń jazýlardy óshіrgenі de habarlanǵan edі.
Material avtory
