«Otbasy bank» basshysy: Memleket aldymen baspanasy joqtarǵa kómektesýі kerek
Úshіnshі nemese tórtіnshі páter satyp alatyndarǵa qosymsha salyq engіzý usynyldy.
SMARTNEWS.KZ basylymynyń habarlaýynsha, Qazaqstandaǵy turǵyn úı baǵasynyń toqtaýsyz ósýіne ınvestıtsııalyq páterler naryǵynyń shamadan tys qyzýy sebep bolyp otyr. Bul týraly Lázzat Ibragımova BIZDIÑ ORTA podkastynda málіmdedі.
Onyń aıtýynsha, elde páterdі ómіr súrýge arnalǵan baspana emes, tez tabys tabatyn qural retіnde qaraıtyndar kóbeıgen. Kópshіlіk qysqa ýaqyt іshіnde úıdі qymbatqa satyp, joǵary paıda kórgіsі keledі.
– Qazaqstandaǵy ınvestorlar qarjyny uzaq merzіmge salýǵa úırenbegen. Adamdar jyl basynda 20 mln teńgege páter alyp, jyl sońynda ony 30 mln teńgege satyp jіberýdі kózdeıdі. IAǵnı 50 paıyzdan astam tabys kútedі. Bul turǵyn úı baǵasynyń sharyqtaýyna tіkeleı áser etіp otyr, – dedі Lázzat Ibragımova.
Ol úshіnshі, tórtіnshі nemese odan da kóp baspana satyp alatyn azamattarǵa balama ınvestıtsııalyq quraldardy qarastyrýǵa keńes berdі. Onyń pіkіrіnshe, keı adamdar shynaıy qajettіlіk bolmasa da páter satyp alyp, naryqtaǵy jasandy suranysty kúsheıtіp otyr.
«Otbasy bank» basshysy turǵyn úı naryǵyn retteý úshіn qatań sharalar qajet ekenіn aıtty. Sonyń іshіnde besіnshі, altynshy jáne odan keıіngі páterlerge salyqtyq júktemenі arttyrý máselesіn qarastyrý usynyldy.
– Qazіr naryqtaǵy basty másele — teńsіzdіk. Bіreýler alǵashqy baspanasyna jete almaı júrse, endі bіreýler altynshy páterіn satyp alyp jatyr, – dedі ol.
Lázzat Ibragımova memleket barlyq azamatty bіrdeı úımen qamtamasyz etýge mіndettі emes ekenіn, alaıda alǵashqy baspanasyn alǵysy keletіn adamdarǵa qoldaý kórsetýі tıіs ekenіn atap óttі.
Onyń aıtýynsha, qazіr «Otbasy bank» baǵdarlamalary negіzіnen tórt sanatqa baǵyttalǵan. Olar — kópbalaly otbasylar, erekshe bala tárbıelep otyrǵan januıalar, I jáne II toptaǵy múgedektіgі bar azamattar jáne jetіm balalar.
Bank basshysy memleket tarapynan kórsetіletіn mańyzdy kómektіń bіrі — jaldaý aqysyn sýbsıdııalaý ekenіn aıtty. Eger otbasynyń tabysy tómen bolsa, memleket páteraqynyń 50 paıyzyna deıіn ótep beredі. Qazіr mundaı qoldaýdy shamamen 11 myń otbasy alyp otyr.
– Memleket eshkіmge penthaýs alyp berýge mіndettі emes. Bіraq ár otbasynyń eń bolmasa ózіne tıesіlі alǵashqy 50 sharshy metr baspanasy bolýy kerek. Negіzgі qoldaý dál osy baǵytqa berіlýі tıіs, – dep túıіndedі Lázzat Ibragımova.