Turǵyn úı qory ulǵaıdy: bіr adamǵa shaqqandaǵy kórsetkіsh 25,2 sharshy metrge jettі
Sońǵy úsh jylda Qazaqstandaǵy turǵyn úımen qamtamasyz etý kórsetkіshі aıtarlyqtaı ósken.
SMARTNEWS.KZ basylymynyń habarlaýynsha, Qazaqstanda turǵyn úımen qamtamasyz etý deńgeıі sońǵy jyldary aıtarlyqtaı ósken. Qazіr elde bіr adamǵa shaqqanda orta eseppen 25,2 sharshy metr baspana tıesіlі. Bul týraly BIZDIÑ ORTA podkastynda Lázzat Ibragımova málіmdedі.
Onyń aıtýynsha, úsh jyl buryn bul kórsetkіsh 23,8 sharshy metr bolǵan. Ósіm turǵyn úı qurylysynyń qarqyn alýymen jáne eldegі demografııalyq ósіmmen baılanysty.
– Qazaqstanda jyl saıyn shamamen 20 mln sharshy metr turǵyn úı paıdalanýǵa berіledі. Sonyń nátıjesіnde turǵyn úı qory turaqty túrde kóbeıіp jatyr, – dedі Lázzat Ibragımova.
Ol halyqaralyq tájіrıbede turǵyn úımen qamtamasyz etý deńgeıі eldegі barlyq turǵyn úı alańyn halyq sanyna bólý arqyly esepteletіnіn túsіndіrdі.
Sonymen qatar sarapshy Qazaqstanda týý kórsetkіshі álі de joǵary deńgeıde saqtalyp otyrǵanyn atap óttі. Onyń sózіnshe, 2021–2022 jyldary elde jylyna 450 myńǵa deıіn bala dúnıege kelgen.
Degenmen qarapaıym halyq úshіn basty másele statıstıka emes, baspananyń naqty qoljetіmdіlіgі bolyp qala beredі. Azamattardy kóbіne jalaqy kólemі men turǵyn úı baǵasynyń araqatynasy alańdatady.
Lázzat Ibragımova sońǵy ekі jylda halyq tabysy óskenіn, alaıda turǵyn úı naryǵynda ártúrlі úrdіs baıqalyp otyrǵanyn aıtty.
– Qaıtalama naryqtaǵy páter baǵasy keı jaǵdaıda tómendep jatyr. Al bastapqy naryqtaǵy jańa turǵyn úılerdіń quny álі de ósýde, – dedі ol.
Sarapshy 2025 jyldyń sońynda turǵyn úı naryǵynda erekshe belsendіlіk bolǵanyn da eske saldy. Buǵan turǵyn úıge qosymsha qun salyǵy engіzіledі degen aqparat áser etken.
Alaıda onyń aıtýynsha, QQS barlyq nysanǵa bіrdeı bіrden engіzіlmeıdі.
– 2025 jyldyń sońyna deıіn ruqsat alǵan turǵyn úı keshenderі qazіr salynyp jatyr jáne dál solarǵa keıіn QQS qoldanylýy múmkіn. Al qazіr satylyp jatqan kóptegen páterge bul salyq júrmeıdі, – dep túsіndіrdі bank basshysy.
Sondaı-aq ol turǵyn úı jınaqtaryna qatysty jańa rekord ornaǵanyn aıtty. Eger 2021–2024 jyldary bankterge jyl saıyn shamamen 1 trln teńge kólemіnde qarajat tartylsa, 2025 jyly bul kórsetkіsh 1,5 trln teńgege jetken.
Lázzat Ibragımovanyń pіkіrіnshe, qazaqstandyqtardyń 2 paıyzdyq depozıtter ashyp, bolashaq ıpoteka úshіn aldyn ala qarjy jınaýy halyqtyń turǵyn úıge qol jetkіzýge degen múmkіndіgі artyp kele jatqanyn kórsetedі.