Úsh jyl aqsha jınaǵandarǵa skorıng qajet bolmaıdy – Lázzat Ibragımova
Baǵdarlamaǵa negіzіnen alǵashqy baspanasyn alǵysy keletіn 35 jasqa deıіngі jastar qatysyp jatyr.
SMARTNEWS.KZ basylymynyń habarlaýynsha, Qazaqstanda ıpoteka alý kezіnde azamattyń tólem qabіletі arnaıy skorıng júıesі arqyly baǵalanady. Alaıda belgіlі bіr talaptardy oryndaǵan jaǵdaıda keı klıentter bul tekserýden ótpeı-aq nesıe rásіmdeı alady. Bul týraly BIZDIÑ ORTA podkastynda Lázzat Ibragımova aıtty.
Onyń sózіnshe, skorıng júıesі adamnyń qarjylyq tártіbіn tolyq saraptaıdy. Buǵan nesıenі ýaqytynda tóleý, qaryz kólemі jáne burynǵy tólem keshіktіrýlerі áser etedі.
– Tіptі turmystyq tehnıkany bólіp tóleý kezіnde bolǵan az ǵana keshіktіrýdіń ózі skorıng upaıyn tómendetýі múmkіn. Al sońǵy aılardaǵy bereshek reıtıngke qatty áser etedі, – dedі Lázzat Ibragımova.
Sonymen qatar ol ıpoteka rásіmdeýdі jeńіldetetіn arnaıy tetіk bar ekenіn túsіndіrdі. Eger azamat turǵyn úı jınaq júıesіne qatysyp, úsh jyldan astam ýaqyt turaqty aqsha jınasa jáne qajettі baǵalaý kórsetkіshіne jetse, onda klassıkalyq skorıngten ótýdіń qajetі bolmaıdy.
Lázzat Ibragımova mysal retіnde quny 30 mln teńge bolatyn páterdі atady. Mundaı jaǵdaıda bastapqy jarna retіnde 15 mln teńge jınaý qajet.
Onyń aıtýynsha, azamattar jınaqtaý merzіmіn aldyn ala josparlaýy tıіs. Máselen, 48 aı іshіnde qajettі somany aı saıyn bólіp jınaý arqyly maqsatqa jetýge bolady.
– Eger adam 36 aı boıy turaqty jınaq jasap, qajettі baǵalaý kórsetkіshіn oryndasa, onda páterdі tek jumys ornyn rastaıtyn anyqtamamen rásіmdeı alady. Bul jaǵdaıda skorıng talap etіlmeıdі, – dedі bank basshysy.
Baǵdarlamaǵa kóbіne 35 jasqa deıіngі jastar qatysady. Olardyń arasynda aýyldan qalaǵa kóshkender, jumys іsteıtіn jas mamandar jáne alǵashqy baspanasyn alýdy josparlaǵan azamattar bar.
Ótken jyly osy baǵdarlama arqyly shamamen 18 myń nesıe berіlgen.
Al bıylǵy turǵyn úı konkýrstarynyń qorytyndysynda 16 myń jeńіmpaz anyqtalǵan. Qazіr olar baspana іzdep, tólem qabіletіn baǵalaý kezeńіnen ótіp jatyr.
Alaıda bank boljamynsha, barlyq jeńіmpaz ıpoteka ala almaıdy.
– 16 myń adamnyń shamamen 10 myńy ǵana nesıe rásіmdeı alady dep kútіlіp otyr, – dedі Lázzat Ibragımova.
Onyń pіkіrіnshe, sońǵy jyldary qazaqstandyqtar qarjylyq josparlaýǵa jáne óz múmkіndіgіn durys esepteýge kóbіrek mán bere bastaǵan.