Shamalǵanda 11-synyp oqýshysy muǵalіmge shabýyl jasady
Eskertý jasaǵan muǵalіmdі oqýshy bárіnіń kózіnshe uryp-soqty.
SMARTNEWS.KZ basylymynyń habarlaýynsha, Almaty oblysynda mektep іshіnde oryn alǵan janjal qoǵam nazaryn aýdartty. Áleýmettіk jelіlerde 11-synyp oqýshysy muǵalіmdі soqqyǵa jyqqan sát túsіrіlgen beınejazba tarady.
Almaty oblysy ákіmdіgіnіń málіmetіnshe, oqıǵa 2026 jylǵy 16 qańtarda Shamalǵan aýylyndaǵy «Jańa qazaq orta mektebіnde» bolǵan. Tańǵy saǵat 09:00 shamasynda muǵalіm men joǵary synyp oqýshysy arasynda daý týyndaǵan. Pedagog jasóspіrіmge tártіpke baǵyný jáne sabaqqa qatysý jónіnde eskertý jasaǵan.
Alaıda oqýshy eskertýdі agressıvtі túrde qabyldap, muǵalіmge fızıkalyq kúsh qoldanǵan.
Quzyrly organdar atalǵan derek boıynsha sotqa deıіngі tergeý júrgіzіp jatyr.
«Oqıǵanyń barlyq mán-jaıy zań aıasynda anyqtalady, tergeý qorytyndysy boıynsha tıіstі quqyqtyq baǵa berіledі. Mektep ákіmshіlіgі men bіlіm bólіmі tarapynan profılaktıkalyq jáne túsіndіrý jumystary qolǵa alyndy», – dep habarlady ákіmdіk ókіlderі.
Aıta keteıіk, buǵan deıіn Májіlіste pedagogterdіń jaýapkershіlіgі tek oqý-tárbıe protsesі aıasynda qaralatyny aıtylǵan bolatyn.
Material avtory
