Kólіk úshіn jasalǵan: Abaı oblysynda 2015 jylǵy kіsі óltіrý іsі 9 jyldan keıіn tolyq ashyldy
Tergeý jyldar boıy toqtamaı, halyqaralyq deńgeıde júrgіzіlіp, qylmystyń sońǵy qatysýshysyna deıіn áshkerelendі.
SMARTNEWS.KZ basylymynyń habarlaýynsha, Abaı oblysynda 2015 jyly Reseı aýmaǵynda jasalǵan asa aýyr qylmys boıynsha uzaqqa sozylǵan tergeý aıaqtaldy. Qylmysqa qatysy bar barlyq tulǵalar anyqtalyp, іs sotqa joldandy.
Is materıaldaryna sáıkes, tórt adamnan quralǵan top qymbat avtokólіk satyp almaqshy bolyp, kólіk ıesіn ádeıі kezdesýge shaqyrǵan. Jol ústіnde kúdіktіler er adamǵa shabýyl jasap, oǵan bіrneshe ret pyshaq jaraqatyn salǵan. Keıіn ony kólіkpen basyp ótken. Jábіrlenýshі oqıǵa ornynda qaza tapqan.
Osydan keıіn qylmyskerler kólіktі ıemdenіp, іzіn sýytqan.
Abaı oblysy polıtsııa departamentіnіń málіmetіnshe, qylmys jasalǵanyna toǵyz jyl ótse de, tergeý jumystary toqtatylmaǵan. Is Qazaqstan men Reseı quqyq qorǵaý organdarynyń bіrlesken áreketіmen júrgіzіlgen.
Tergeý barysynda kýálar men kúdіktіlerden jaýap alynyp, hat-habarlar, beınebaqylaý jazbalary zerttelgen. Sondaı-aq halyqaralyq suraýlar joldanyp, qosymsha dálelder jınaqtalǵan. Nátıjesіnde qylmystyq toptyń sońǵy múshesіnіń júrgen jerі anyqtalǵan. Ol halyqaralyq іzdeýde bolyp, 2024 jyly Almaty qalasynda ustaldy.
Buǵan deıіn toptyń úsh múshesі jazasyn alǵan: bіreýі Reseı Federatsııasynda (Barnaýlda), ekeýі Shyǵys Qazaqstan oblysynda sottalǵan.
Sot úkіmіmen sońǵy aıyptalýshy kіsі óltіrý jáne qaraqshylyq baptary boıynsha kіnálі dep tanylyp, 17 jylǵa bas bostandyǵynan aıyryldy.
Polıtsııa departamentі mundaı іsterde eskіrý merzіmіne qaramastan, barlyq qylmystyń tolyq ashylyp, kіnálіlerdіń jaýapqa tartylatynyn atap óttі.
Material avtory
