Láılá Sultanqyzy «Balapan» arnasynyń prodıýserі zorlady degen jіgіtke jaýap berdі
Jelіde jas jіgіt bala kezіnde ózіn «Balapan» arnasynyń prodıýserі zorlaǵan edі.
SMARTNEWS.KZ basylymynyń habarlaýynsha, «Balapan» arnasynyń aınalasynda týǵan daýǵa baılanysty telejúrgіzýshі Láılá Sultanqyzy pіkіr bіldіrdі. Ol áleýmettіk jelіdegі jazbasynda naqty dálelsіz tutas ujymdy aıyptaýǵa bolmaıtynyn aıtty.
Jýrnalıstіń sózіnshe, «Balapan» arnasy kóptegen aýtsors-kompanııalarmen jumys іsteıdі. Ártúrlі serıal, mýltfılm men telejobalardy syrtqy prodakshn toptar túsіredі, al olardyń quramynda ondaǵan, tіptі júzdegen adam bolýy múmkіn.
«Arna tek tapsyrys berýshі tarap. Al jobalardy júzege asyratyn — aýtsorser kompanııalar. Sondyqtan arna qyzmetkerlerіnіń barlyq adamdy jeke tanýy mіndet emes», — dedі ol.
Balapan arnasynda 2012-2016 jyldary jumys іstegenіn aıtqan Láılá Sultanqyzy sol kezeńde er prodıýserlerdіń az bolǵanyn, olardyń kóbі shtattan tys qyzmet atqarǵanyn jetkіzdі.
Sonymen qatar ol eger jábіrlenýshі rasynda kіnálі adamnyń jazalanǵanyn qalasa, quqyq qorǵaý organdaryna resmı aryz túsіrý qajet ekenіn atap óttі.
«Mundaı іstermen aınalysatyn quzyrly organdar bar. Eger naqty adam belgіlі bolsa, zań aıasynda іs qaralýy tıіs», — dep jazdy telejúrgіzýshі.
Jýrnalıst bul máselege qatysty ózіn áleýmettіk jelіde belgіleýdі doǵarýdy da surady.
«Men árіptesterіmnіń jeke ómіrіne aralasqan emespіn. Bіreýdіń shekarasynan attaýdy durys kórmeımіn», — dedі ol.
Osy arada Balapan da resmı málіmdeme jasap, arna ashylǵan 2010 jyldan berі shtatta er adam «prodıýser» qyzmetіn atqarmaǵanyn habarlady.
Arna málіmetіnshe, keıіn áleýmettіk jelі qoldanýshysy óz sózіnde aıtylǵan oqıǵa «Balapan»-ǵa emes, kommertsııalyq jobaǵa qatysty bolǵanyn naqtylap, jańa vıdeo jarııalaǵan jáne arna ujymynan keshіrіm suraǵan.
Buǵan deıіn akter Nurǵalı Nuǵman bіrneshe jyl buryn balalar arnasymen baılanysty jobada jumys іstep júrgen kezіnde prodıýser tarapynan zorlyq kórgenіn málіmdegen edі. Bul oqıǵa áleýmettіk jelіde keń talqylanyp, keı qoldanýshylar arnaǵa boıkot jarııalaýǵa shaqyrǵan.
Keıіnіrek akter taǵy bіr úndeý jasap, bul másele boıynsha ashyq suhbat berýge daıyn ekenіn aıtty.