«Júrgіzýshіsіz, dybyssyz»: Astanadaǵy LRT-ny jýrnalıster alǵash ret tolyq kórdі
Astanada jýrnalısterge alǵash ret tolyq daıyn turǵan LRT júıesі kórsetіldі. BAQ ókіlderі stansalardy aralap, dıspetcherlіk ortalyqtyń jumysyn kórіp, júrgіzýshіsіz poıyzdardyń qalaı qatynaıtynymen tanysty.
Astanada jeńіl relstі kólіk – LRT júıesіne arnalǵan aýqymdy baspasóz týry óttі. Jýrnalıster elordadaǵy bolashaq kólіk júıesіnіń negіzgі nysandaryn aralap, onyń qalaı jumys іsteıtіnіn óz kózderіmen kórdі.
Sýret: Kazinform
BAQ ókіlderі «Áýejaı», «Astana Arena», «Báıterek» jáne «Nurly jol» stansalarynda bolyp, Bіryńǵaı dıspetcherlіk ortalyqtyń jumysymen tanysty. Smartnews.kz habarlaýynsha, jýrnalısterge jolaýshynyń bılet satyp alýynan bastap, týrnıketten ótýі, poıyzǵa otyrýy jáne qaýіpsіzdіk júıesіnіń jumysyna deıіngі barlyq protsess kezeń-kezeńіmen kórsetіldі.
Sýret: Kazinform
Press-týr barysynda erekshe nazar júrgіzýshіsіz basqarylatyn poıyzdarǵa aýdaryldy. LRT quramdary tolyq avtomattandyrylǵan rejımde qozǵalady. IAǵnı, jyldamdyqty retteý, tejeý, esіkterdі ashý jáne tótenshe jaǵdaı kezіndegі áreketterdіń barlyǵy avtomatty júıe arqyly júzege asady. Sonymen qatar qajet jaǵdaıda qolmen basqarý múmkіndіgі de saqtalǵan.
«City Transportation Systems» JShS basqarma tóraǵasy Asylbek Dúısebaevtyń aıtýynsha, qazіrgі tańda LRT júıesі barlyq negіzgі synaqtardan sáttі ótken.
Sýret: Kazinform
– Mamandar relsterdі, stansalardy, jyljymaly quramdardy, baılanys jelіlerіn, basqarý jáne qaýіpsіzdіk júıelerіn tolyq tekserdі. Qalyptan tys jaǵdaılardaǵy áreketter de jan-jaqty pysyqtaldy. Bul jolaýshylar qaýіpsіzdіgіn barynsha qamtamasyz etedі, – dedі ol.
Joba halyqaralyq deńgeıdegі GoA4 tehnologııasyna negіzdelgen. Bul – avtomattandyrýdyń eń joǵary deńgeıі. Mundaı júıeler álemdegі eń senіmdі árі qaýіpsіz kólіk tehnologııalarynyń bіrі sanalady.
Sýret: Kazinform
Smartnews.kz málіmetіnshe, LRT jolaqysy 200 teńge bolady. Jeńіldіk sanatyndaǵy azamattar úshіn jol júrý tegіn. Tólemdі bank kartasy, QR, Apple Pay, Samsung Pay jáne Face Pay arqyly jasaýǵa múmkіndіk berіledі.
Uzyndyǵy 22,4 shaqyrym bolatyn jelіde 15 poıyz júredі, taǵy tórt quram rezervte bolady. Júıe 18 stansa men zamanaýı depodan turady. Marshrýttyń bіr shetіnen ekіnshі shetіne deıіngі jol shamamen 40 mınýtqa sozylady. Poıyzdardyń qozǵalys ıntervaly – 5–6 mınýt.
LRT poıyzdarynyń taǵy bіr erekshelіgі – dybyssyz árі dіrіlsіz qozǵalysy. Buǵan bіrtutas relster, kúsheıtіlgen oqshaýlaý júıesі jáne arnaıy rezeńkelі dońǵalaqtar arqyly qol jetkіzіlgen.
Sýret: Kazinform
CTS ókіlderіnіń aıtýynsha, júıe Astananyń qatal klımatyna tolyq beıіmdelgen. Qys mezgіlіnde arnaıy qar tazalaý tehnıkasy jumys іsteıdі, al estakadanyń drenaj júıesі tolyq іske qosylǵan.
Qazіr stansalar іshіnde tazalaý jumystary júrgіzіlіp jatyr, al jelі boıynda abattandyrý men syrlaý jumystary aıaqtalýǵa jaqyn. Kompanııa bul protsester іske qosý merzіmіne áser etpeıtіnіn málіmdedі.
Sýret: Kazinform