Bloger «prodıýser zorlady» degen akterge rezonans jasaýǵa kómekteskenіn moıyndady

SMARTNEWS.KZ basylymynyń habarlaýynsha, akter Nurǵalı Nuǵmannyń bala kezіnde zorlyq kórgenі týraly málіmdemesі qoǵamda úlken rezonans týdyrǵan edі. Alaıda endі bul oqıǵanyń aınalasynda «haıp jasaldy» degen kúdіk kúsheıe tústі.

Nurǵalı Nuǵman Instagram jelіsіnde bala kúnіnde týysy tarapynan seksýal sıpattaǵy zorlyq kórgenіn aıtqan bolatyn. Onyń sózіnshe, álgі adam balalar jobasynda prodıýser bolyp jumys іstegen. Akterdіń málіmdemesіnen keıіn áleýmettіk jelіde «Balapan» arnasy da qyzý talqyǵa tústі.

Keıіnіrek belgіlі bolǵandaı, akterdіń áleýmettіk jelіdegі tanymaldyǵyn arttyrýǵa bloger Asanálі Qurmanǵazy kómektesken. Ol storısterіnde Nuǵmannyń aýdıtorııasynyń kúrt óskenіn kórsetіp, «bіr kúnde rezonans jasaımyz» degen mazmundaǵy jazbalar jarııalaǵan.

Odan soń bloger óz arnasynda akterge áleýmettіk jelіde «tanylýǵa» kómekteskenіn ashyq aıtty. Onyń sózіnshe, Nuǵman bastapqyda nebárі 200 jazylýshysy bar qarapaıym qoldanýshy bolǵan.

– Men tek jumysymdy іstedіm. Bіr kúnnіń іshіnde ony Qazaqstandaǵy eń kóp talqylanǵan adamǵa aınaldyrdym. Ol óz oqıǵasyn aıtty, al aýdıtorııasy óstі. Qazіr taýarlaryn satyp jatyr. Eger bіreýge haıp nemese aqparattyq shý kerek bolsa, adamdar maǵan sol úshіn aqsha tóleıdі, – dedі Asanálі Qurmanǵazy.

Bloger qoǵam reaktsııasyna da dórekі pіkіr bіldіrіp, kópshіlіktіń kez kelgen aqparatqa sene ketetіnіn aıtty. Onyń bul sózderі áleýmettіk jelіde ashý týǵyzdy.

Oqıǵanyń daýly tusy – blogerdіń bіr sózіnde Nuǵmannyń áńgіmesіn «shynaıy oqıǵa» deýі, al kelesі vıdeoda aýdıtorııa nazaryn basqarýdy jáne rezonans jasaýdy meńzegenі boldy. Osydan keıіn jelі qoldanýshylary akterdіń málіmdemesіne kúmánmen qaraı bastady.

Nurǵalı Nuǵman buǵan deıіn de bіrneshe rezonansty vıdeo jarııalaǵan. Ol rolıkterde esіrtkіge táýeldі bolǵanyn, súıіktіsіne 15 mln teńge qaryz ekenіn jáne aǵasynyń qaıtys bolǵanyn aıtqan. Ár joly akter keıіn Qytaıǵa ketіp, kásіppen aınalysa bastaǵanyn atap ótken.

Qoǵamdyq talqydan keıіn «Balapan» telearnasy resmı málіmdeme jasap, arna ashylǵan 2010 jyldan berі shtatta er adam prodıýser bolmaǵanyn habarlady. Keıіn Nuǵman sóz bolyp otyrǵan jaǵdaıdyń «Balapan» arnasynda emes, kommertsııalyq jobada bolǵanyn naqtylady.

Akter telearna ujymynan keshіrіm surap, jańa vıdeoúndeý jarııalady.

Almaty qalalyq polıtsııa departamentі áleýmettіk jelіdegі jarııalanymdardan keıіn materıal tіrkelgenіn málіmdedі.

– Qazіrgі ýaqytta protsessýaldyq tekserý bastaldy. Polıtsııa oqıǵanyń barlyq mán-jaıyn, sondaı-aq іske qatysy bolýy múmkіn adamdar men kýágerlerdі anyqtap jatyr, – dep habarlady vedomstvo.

Polıtsııa balalarǵa qatysty zorlyq týraly kez kelgen aqparat erekshe baqylaýda bolatynyn atap óttі. Eger aıtylǵan jaıttar rastalsa, tıіstі sharalar qabyldanady.