«Meloman Publishing» baspasynan dzıýdodan tuńǵysh olımpıada chempıony Eldos Smetov týraly kіtap jaryq kórdі
«Meloman Publishing» baspasynan Qazaqstannyń eń tanymal árі dańqty sportshylarynyń bіrі – Eldos Smetov týraly jazylǵan «Eldos Smetov. Tózіm. Senіm. Jeńіs» atty kіtap jaryq kórdі. Mátіn avtory – Esbol Nurahmet.
Bul kіtap — qulaý men qaıta turýdyń, úmіt pen qaısarlyqtyń, aqyryna deıіn jetken jeńіs joly. Bul jaı ómіrbaıan emes, qarapaıym qazaq balasynyń asylarmanynan bastaý alyp, olımpıada altynyna jetkіzgen ómіr joly jaıyndaǵyshynaıy hıkaıa. Kіtapta armanǵa adaldyq, tártіp pen tózіm arqasynda Olımpıada tuǵyryna jetken qazaq balasynyń júrіp ótken joly baıandalǵan.
Áıgіlі dzıýdoshy Eldos Smetovtіń Olımpıada medaldarynyń tolyq jıyntyǵyn ıelenýі, Álem chempıonatynyń altyn tuǵyry, jaraqattan keıіngі aýyr sátter men qaıta oralǵan jeńіs – bárі osy kіtaptyń ózegіnde.
Avtor sportshynyń jan dúnıesіne tereń úńіledі. Bul tek jetіstіkter shejіresі ǵana emes, sonymen bіrge ózіn-ózі jeńý, mіnezdі shyńdaý, otbasynyń qoldaýy men jankúıer senіmіnіń mańyzy týraly maǵynaly baıandaý. Árbіr bıіk jetіstіktіń artynda jyldar boıǵy tabandy eńbek, temіrdeı tártіp pen armanǵa adaldyq jatyr.
Kіtaptyń negіzgі oıy aıqyn: naǵyz jeńіs tatamıge shyǵardan áldeqaıda buryn bastalady. Bul - qandaı qıyndyq bolsa da moıymaıtyn, árdaıym alǵa umtylatyn qajyrly, qaısar jannyń joly.
«Bul kіtapta tabıǵı daryn men ózіn úzdіksіz jetіldіrýdіń sırek kezdesetіn úılesіmі baıandalady. Eldos Smetovtіń joly — jaı ǵana sporttyq jetіstіkter shejіresі emes, kez kelgen salada qoldanýǵa bolatyn jeńіmpazǵa tán oılaý úlgіsі», — degen pіkіrіn bіldіrdі Qazaqstan Respýblıkasynyń Týrızm jáne sport mınıstrі Erbol Myrzabosynov.
«Men kóptegen sportshyny jattyqtyrdym, bіraq Eldos árdaıym bіr qasıetіmen erekshelenetіn – ol eshqashan moıymaıtyn. Tіptі eń aýyr sátterde de. Olımpıada chempıony dál osylaı qalyptasady», – deıdі sportshynyń jeke jattyqtyrýshysy Ǵalymjan Jylgeldıev.
Sýret: Salı Sabırov / Ulttyq olımpıada komıtetі
«Eldos Smetovtіń tarıhy — tabandylyq, tártіp jáne Otanǵa degen súıіspenshіlіk naǵyz chempıondy qalaı shyńdaıtynynyń jarqyn mysaly. Búgіnde mundaı kіtaptar jastarǵa asa qajet. Olar ár jeńіstіń artynda jyldar boıǵy eńbek pen synaqtan ótken mіnez turǵanyn túsіnýі tıіs», – dep atap óttі Qazaqstan Dzıýdo federatsııasynyń prezıdentі Qýanyshbek Esekeev.
Bul kіtaptyń erekshelіgі – oqyrmandar QR-kodtar arqyly sportshynyń sheshýshі beldesýlerіnіń beınejazbasyn tamashalaı alady.
«Eldos Smetov. Tózіm. Senіm. Jeńіs» kіtaby kópshіlіk oqyrmanǵa arnalǵan. Ol tek sport jankúıerlerі ǵana emes, óz maqsatyna jetý jolynda jіger men shabyt іzdegen árbіr oqyrman úshіn depaıdaly bolmaq.