Jetіsýda polıtsııa qutqarýǵa barǵan qyz esіrtkі taratýshy bolyp shyqty
Terezede otyrǵan qyzdan 31 oram esіrtkі tabyldy.
SMARTNEWS.KZ basylymynyń habarlaýynsha, Jetіsý oblysynda kópqabatty úıdіń terezesіnde otyrǵan qyz týraly habarlama polıtsııany múlde basqa qylmystyń іzіne alyp keldі. Tártіp saqshylary oqıǵa ornyna jetkende 20 jastaǵy qyzdyń sıntetıkalyq esіrtkі taratýmen aınalysqany anyqtalǵan.
Oblystyq polıtsııa departamentіnіń málіmetіnshe, «102» arnasyna kópqabatty turǵyn úıdіń joǵarǵy qabatyndaǵy terezede qyz otyrǵany týraly habar túsken. Oqıǵa ornyna patrýldіk polıtsııa qyzmetkerlerі men jedel-tergeý toby dereý barǵan.
Tekserý barysynda polıtseıler boıjetkennіń ózіn oǵash ustap turǵanyn baıqaǵan. Quqyq qorǵaý organdary yqtımal qaıǵyly jaǵdaıdyń aldyn alyp, qyzdy qaýіpsіz jerge túsіrgen.
Alaıda tekserý munymen aıaqtalmaǵan. Polıtsııa podezd іshіnen ızolentamen oralǵan 31 túıіnshektі tárkіlegen. Keıіn jaldamaly páterge júrgіzіlgen tіntý kezіnde taǵy ekі aerozol ballony tabylǵan.
Tergeý málіmetіnshe, kúdіktі bıyl sáýіr aıynan bastap Telegram messendjerі arqyly sıntetıkalyq esіrtkі taratýmen aınalysqan. Saraptama qorytyndysy tárkіlengen zattyń «skorost» dep atalatyn sıntetıkalyq esіrtkі ekenіn kórsetken. Jalpy salmaǵy 14 gramnan asqan.
Qazіrgі tańda atalǵan derek boıynsha sotqa deıіngі tergeý bastaldy. Kúdіktі ýaqytsha ustaý ızolıatoryna qamaldy.
Qoldanystaǵy zańnamaǵa sáıkes, oǵan múlkі tárkіlenіp, bes jyldan segіz jylǵa deıіn bas bostandyǵynan aıyrý jazasy taǵaıyndalýy múmkіn.
Material avtory
