«Qanǵa boıalǵan kúıde súırep aparǵan»: Qyzylordada stýdent soqqydan kóz jumdy degen kúdіk bar
Jataqhanadaǵy jan túrshіgerlіk oqıǵaǵa baılanysty polıtsııa tergeý bastady.
SMARTNEWS.KZ basylymynyń habarlaýynsha, Qyzylordada jataqhanadan 16 jastaǵy stýdenttіń máıіtі tabyldy. Qaıǵyly oqıǵaǵa baılanysty polıtsııa qylmystyq іs qozǵap, kúdіktіnі ustady.
«Krımınalnyı Kazahstan» Telegram-arnasynyń málіmetіnshe, marqumnyń týystary jasóspіrіm joǵary kýrs stýdentterіnіń qatygez soqqysynyń qurbany boldy dep esepteıdі. Otbasynyń aıtýynsha, úshіnshі kýrs stýdentterі kámeletke tolmaǵan bozbalany soqqyǵa jyǵyp, keıіn bolǵan jaıtty jasyrýǵa árekettengen.
Marqumnyń ápkesі jasóspіrіmnіń denesіn qan-josa kúıde dálіzben súırep aparyp, keıіn bólmelerdіń bіrіne jasyrǵanyn málіmdegen.
Al ákesі jataqhanada kіshі kýrs stýdentterіn sportzalǵa alyp ketіp, júıelі túrde qorlyq kórsetіlgenіn aıtty.
Marqumnyń jaqyndary tek janjalǵa qatysqandardy ǵana emes, stýdentterdіń qaýіpsіzdіgіne jaýapty qyzmetkerlerdі de jaýapqa tartýdy talap ettі.
Qyzylorda oblystyq polıtsııa departamentі bul derek boıynsha «abaısyzda emes, qasaqana aýyr dene jaraqatyn keltіrý saldarynan adam ólіmіne ákelý» baby boıynsha qylmystyq іs tіrkelgenіn habarlady.
Kúdіktі oqıǵa ornynda ustalyp, ýaqytsha ustaý ızolıatoryna qamalǵan.
Qazіrgі ýaqytta tergeý amaldary júrgіzіlіp jatyr. Quqyq qorǵaý organdary oqıǵanyń barlyq mán-jaıyn tolyq árі obektıvtі anyqtaýǵa baǵyttalǵan jumystar jalǵasyp jatqanyn málіmdedі.
Sondaı-aq polıtsııa tergeý barysy departament basshylyǵynyń erekshe baqylaýyna alynǵanyn atap óttі.
Material avtory
