LRT jelіsі Astanadan Qosshyǵa deıіn sozylmaq

SMARTNEWS.KZ basylymynyń habarlaýynsha, Qosshy qalasy aldaǵy jyldary Astananyń jeńіl relstі kólіk júıesі — LRT quramyna enedі. Bul sheshіm elorda mańyndaǵy aglomeratsııany damytýdaǵy negіzgі qadamdardyń bіrі bolmaq.

Bıyl Qosshy qalasynyń qurylǵanyna bes jyl tolyp otyr. Buryn shaǵyn ǵana eldі meken bolǵan aýmaq búgіnde Aqmola oblysyndaǵy eń qarqyndy damyp kele jatqan qalalardyń bіrіne aınaldy. Munda turǵyn úı qurylysy, jol, mektep, sport jáne mádenı nysandar salý qarqyn alǵan. Injenerlіk-ınfraqurylymdyq júıeler de kezeń-kezeńіmen jańartylyp jatyr.

Jergіlіktі turǵyndar úshіn eń mańyzdy jańalyqtardyń bіrі — Qosshyny Astanamen baılanystyratyn LRT jobasynyń іske asýy. Jańa kólіk baǵyty qala men elorda arasyndaǵy qatynasty jeńіldetіp, aglomeratsııanyń damýyna serpіn bermek.

LRT júıesіn keńeıtý týraly sheshіm Astana men oǵan jaqyn aýmaqtardaǵy halyq sanynyń tez ósýі jáne kólіk júktemesіnіń artýy eskerіlіp qabyldanǵan. Búgіnde Qosshy іs júzіnde elordamen bіrtutas keńіstіkke aınalǵan: kóptegen turǵyndar kún saıyn Astanaǵa jumysqa, oqýǵa jáne túrlі qyzmetter úshіn qatynaıdy. Osy sebeptі zamanaýı qoǵamdyq kólіktі damytý ózektі máselege aınalyp otyr.

Jeńіl relstі kólіktіń alǵashqy kezeńі 2015 jyly Qazaqstan men Qytaıdyń bіrlesken jobasy retіnde bastalǵan. Joba elder arasyndaǵy strategııalyq árіptestіk aıasynda júzege asýda jáne ekі úkіmettіń erekshe baqylaýynda. Bіrіnshі jelі áýejaı men jańa temіrjol vokzalyn baılanystyryp, qalanyń ortalyq bólіkterі arqyly ótedі.

Kelesі kezeńde suranysy joǵary baǵyttar boıynsha jelіnі keńeıtý josparlanǵan. Sonyń іshіnde Qosshy baǵyty da bar. Ekіnshі kezeń jobasy memlekettіk saraptamadan oń qorytyndy alyp, іske asyrýǵa jol ashty. Qurylys jumystaryn halyqaralyq konsortsıým atqarady, onyń quramynda qytaılyq CRAEC kompanııasy jáne qazaqstandyq Integra Construction KZ bar.

Joba Qosshy úshіn tek kólіk máselesіn sheshý emes, strategııalyq damý tetіgі retіnde qarastyrylyp otyr. LRT іske qosylǵan jaǵdaıda joldaǵy júkteme azaıyp, Astana men Qosshy arasyndaǵy qatynas áldeqaıda qolaıly bolmaq. Sonymen qatar bul qala damýynyń jańa kezeńіne jol ashady.

Qazіrgі ýaqytta Qosshyda turǵyn úı keshenderі, áleýmettіk nysandar salynyp, ınjenerlіk jelіler men jol ınfraqurylymy jańartylyp jatyr. Osy úrdіsterdіń aıasynda LRT jobasy elorda aglomeratsııasynyń keshendі damýynyń mańyzdy bólіgі retіnde qarastyrylýda.

Aqmola oblysynyń ákіmі Marat Ahmetjanovtyń aıtýynsha, qalada aýqymdy ınfraqurylymdyq jobalar júzege asýda jáne turǵyndar úshіn qolaıly orta qalyptastyrý negіzgі basymdyq bolyp qala beredі.

«Búgіnde Qosshyda bіrqatar іrі ınfraqurylymdyq jobalar іske asyrylyp jatyr. Jyl sońyna deıіn qalany tolyq gazdandyrý josparlanǵan. Sonymen qatar sý, jylý jáne elektr júıelerіn jańǵyrtý jumystary júrgіzіlýde. Densaýlyq saqtaý salasynda kópbeıіndі aýrýhana salý kózdelgen. Ol Qosshy turǵyndarymen qatar, jaqyn mańdaǵy eldі mekenderge de qyzmet kórsetedі. Bul jobalardyń barlyǵy halyqtyń ómіr sapasyn arttyrýǵa jáne qalanyń turaqty damýyn qamtamasyz etýge baǵyttalǵan», — dedі ákіm.