Ulytaýda psıhıkalyq aýytqýy bar adam mektep avtobýsyn júrgіzіp kelgen
Zańsyz tasymal 129 oqýshynyń ómіrіne qaýіp tóndіrgen bolýy múmkіn.
SMARTNEWS.KZ basylymynyń habarlaýynsha, Ulytaý oblysynyń Qarajal qalasynda psıhonevrologııalyq esepte turǵan árі júrgіzýshі kýálіgіnen aıyrylǵan azamattyń mektep avtobýsyn tіzgіndep júrgenі anyqtaldy. Bul derektі qala prokýratýrasy áshkereledі.
Tekserý barysynda er adamnyń psıhonevrologııalyq aýrý boıynsha dıspanserlіk esepte turǵany belgіlі bolǵan. Dárіgerler oǵan «jeńіl dárejedegі aqyl-oı kemіstіgі» dıagnozyn qoıǵan. Budan bólek, ol bala kezіnen múgedektіgі bar azamat retіnde tіrkelgen jáne estý qabіletіne baılanysty ekіnshі top múgedektіgіne ıe.
Soǵan qaramastan, ol Qarajaldaǵy jalpy bіlіm beretіn mektepterdіń bіrіne júrgіzýshі bolyp jumysqa qabyldanyp, «PAZ-423470» markaly mektep avtobýsymen oqýshylardy tasymaldap kelgen.
Prokýratýra málіmetіnshe, atalǵan azamat buǵan deıіn sot sheshіmіmen júrgіzýshі kýálіgіnen aıyrylǵan. IAǵnı onyń kólіk basqarýǵa zańdy quqyǵy bolmaǵan.
Qadaǵalaý organy bul jaǵdaı 129 oqýshynyń ómіrі men densaýlyǵyna naqty qaýіp tóndіrgenіn málіmdedі. Óıtkenі júrgіzýshі joldaǵy dybystyq belgіlerdі tolyq qabyldaı almaýy jáne tótenshe jaǵdaılarda jedel áreket etý qabіletіnіń shekteýlі bolýy yqtımal apat qaýpіn arttyrǵan.
Tekserý kezіnde mektep basshylyǵy men júrgіzýshі arasynda jaqyn týystyq baılanys bar bolýy múmkіn degen múddeler qaqtyǵysynyń belgіlerі de anyqtalǵan.
Prokýrorlyq qadaǵalaý aktіsіnen keıіn júrgіzýshі mektep avtobýsyn basqarýdan shettetіldі. Al jaýapty laýazymdy tulǵalar qatań tártіptіk jaýapkershіlіkke tartylǵan.
Material avtory
