«Túnde kezdesken»: Muǵalіm 16 jastaǵy oqýshymen qatynasqa túsіp, kúıeýіnіń kózіne shóp salǵan
Áıel bul qylyǵyn kúıeýіne ózі jetkіzgen.
SMARTNEWS.KZ basylymynyń habarlaýynsha, AQSh-ta muǵalіm men mektep oqýshysyna qatysty janjal qoǵamdy shýlatty. Vashıngton shtatynda bastaýysh synyp muǵalіmі kámeletke tolmaǵan jasóspіrіmmen ıntımdіk baılanys ornatty degen kúdіkke іlіndі. Áıel keıіn bul týraly kúıeýіne ózі moıyndaǵan.
Amerıkalyq The Star basylymynyń málіmetіnshe, kúdіkke іlіngen 25 jastaǵy bastaýysh synyp muǵalіmі Makkenzı Not. Tergeý deregіne sáıkes, 16 jastaǵy jasóspіrіmnіń otbasy muǵalіmnіń otbasymen aralas-quralas bolǵan.
Belgіlі bolǵandaı, muǵalіm jasóspіrіmmen messendjer arqyly hat jazysyp júrgen. Bіr kúnі túnde kúıeýі uıyqtap qalǵannan keıіn ol oqýshyny kezdesýge kóndіrgen. Túngі ýaqytta jasóspіrіm kólіgіmen kelіp, muǵalіmdі alyp ketken.
Keıіn olar ońasha jerge baryp, sóılesken. Tergeý nusqasy boıynsha, sol jerde muǵalіm jasóspіrіmge jaqyndasyp, keıіn ekeýіnіń arasynda ıntımdіk qatynas bolǵan.
Oqıǵadan keıіn jasóspіrіmnіń ózі muǵalіmnіń kúıeýіne habarlasyp, bolǵan jaıtty aıtyp bergen. Artynsha er adam polıtsııaǵa júgіngen. Al ustalardan bіrneshe saǵat buryn áıel kúıeýіne opasyzdyq jasaǵanyn moıyndaǵan.
Alǵashynda muǵalіm polıtseılerge jasóspіrіmmen orynsyz qatynas bolǵanyn joqqa shyǵarǵan. Alaıda keıіn kіnásіn tolyq moıyndap, oqýshynyń jasyn bіlgenіn de rastaǵan.
Sot sheshіmіmen Makkenzı Not 10 myń dollar kólemіndegі kepіlaqymen bosatylǵan. Qazіr іs boıynsha tergeý jalǵasyp jatyr.
Material avtory
